Հայաստանի Հանրապետության մեդալներով պարգևատրելու մասին

Ղեկավարվելով Հայաստանի Հանրապետության Սահմանադրության 55-րդ հոդվածի 16-րդ կետով և հիմք ընդունելով «Հայաստանի Հանրապետության պետական պարգևների մասին» Հայաստանի Հանրապետության օրենքը՝ որոշում եմ.

2012 թվականին Լոնդոնում տեղի ունեցած ամառային 30-րդ օլիմպիական խաղերում ձեռք բերած հաջողությունների, ինչպես նաև ֆիզիկական կուլտուրայի և սպորտի զարգացման գործում ներդրած ավանդի համար պարգևատրել.

«Հայրենիքին մատուցած ծառայությունների համար» 1-ին աստիճանի մեդալով՝
Լևոն Արսենի ՋՈՒԼՖԱԼԱԿՅԱՆԻՆ Հայաստանի Հանրապետության հունա-հռոմեական ըմբշամարտի հավաքական թիմի գլխավոր մարզիչ

«Հայրենիքին մատուցած ծառայությունների համար» 2-րդ աստիճանի մեդալով՝
Արսեն Լևոնի ՋՈՒԼՖԱԼԱԿՅԱՆԻՆ Հայաստանի Հանրապետության հունա-հռոմեական ըմբշամարտի հավաքական թիմի անդամ, օլիմպիական խաղերի արծաթե մեդալակիր

Մովսես Խորենացու մեդալով՝
Արթուր Գևորգի ԱԼԵՔՍԱՆՅԱՆԻՆ Հայաստանի Հանրապետության հունա-հռոմեական ըմբշամարտի հավաքական թիմի անդամ, օլիմպիական խաղերի բրոնզե մեդալակիր

Հռիփսիմե Արմենի ԽՈՒՐՇՈՒԴՅԱՆԻՆ Հայաստանի Հանրապետության ծանրամարտի հավաքական թիմի անդամ, օլիմպիական խաղերի բրոնզե մեդալակիր:

ՀԱՅԱՍՏԱՆԻ
ՀԱՆՐԱՊԵՏՈՒԹՅԱՆ ՆԱԽԱԳԱՀ

Ս.ՍԱՐԳՍՅԱՆ

2012թ. դեկտեմբերի 24
Երևան