Արտերկրյա այցեր
Նախագահ Վահագն Խաչատուրյանի աշխատանքային այցը Ֆրանսիա
Աշխատանքային այցով Փարիզում գտնվող նախագահ Վահագն Խաչատուրյանը մասնակցել է Փարիզ 2024-ի Օլիմպիական խաղերի նախօրեին կայացած՝ «Սպորտը հանուն կայուն զարգացման» (#Sport4SD) առաջին գագաթնաժողովին:
Ֆրանսիայի և Միջազգային օլիմպիական կոմիտեի (ՄՕԿ) նախաձեռնությամբ կազմակերպված գագաթաժողովի նպատակներից է խթանել սպորտի ներդրումը ՄԱԿ-ի Կայուն զարգացման ծրագրերում մինչև 2030 թվականը:
***
Փարիզ կատարած աշխատանքային այցի շրջանակներում նախագահ Վահագն Խաչատուրյանը ներկա է գտնվել Հայկական տան բացմանը և հանդիպել Հայաստանի օլիմպիական հավաքականի անդամների հետ:
Հանրապետության նախագահը ողջունել է Հայաստանը ներկայացնող մարզիկներին և հաջողություններ մաղթել մեկնարկող օլիմպիական խաղերում: Նախագահը վստահություն է հայտնել, որ օլիմպիական հավաքականը բարձր է կպահի երկրի մարզական պատիվը և բազմաթիվ ուրախ պահեր կպարգևի ինչպես երկրպագուներին, այնպես էլ Հայաստանի ողջ ժողովրդին:
Հայկական տունը գործելու է Օլիմպիական խաղերի ողջ ընթացքում և լինելու է երկրպագուների կենտրոն՝ հնարավորություն ընձեռելով վերջիններիս ներկա գտնվել օլիմպիական մրցաշարերի համատեղ դիտումներին և հանդիպել մարզիկների հետ:
***
Հանրապետության նախագահ Վահագն Խաչատուրյանը մասնակցել է Փարիզի օլիմպիական խաղերի պաշտոնական բացման արարողությանը։
***
Աշխատանքային այցով Փարիզում գտնվող նախագահ Վահագն Խաչատուրյանը Փարիզի քաղաքապետ Անն Իդալգոյի և նրա ամուսնու, վարչապետի աշխատակազմի ղեկավար Արայիկ Հարությունյանի հետ ներկա է գտնվել մարմնամարզիկ Արթուր Դավթյանի մրցելույթին։
Հայաստանը ներկայացնող մարզիկը դուրս է եկել եզրափակիչ: