Նախագահ Վահագն Խաչատուրյանը շնորհավորական ուղերձ է հղել Լատվիայի նախագահ Էդգարս Ռինկեվիչսին

Հանրապետության նախագահ Վահագն Խաչատուրյանը շնորհավորական ուղերձ է հղել Լատվիայի Հանրապետության նախագահ Էդգարս Ռինկեվիչսին Անկախության օրվա կապակցությամբ:

«Հայաստանը մեծապես կարևորում է Լատվիայի հետ բարձր մակարդակի քաղաքական երկխոսության ներկայիս դրական դինամիկան և ոլորտային համագործակցության շարունակական զարգացումն ու ընդլայնումը։

Պատրաստակամ ենք հետագայում ևս քայլեր ձեռնարկել երկկողմ օրակարգը նոր ծրագրերով և նախաձեռնություններով հարստացնելու համար»,- մասնավորապես ասվում է նախագահ Խաչատուրյանի ուղերձում: