21
04, 2023

Նախագահ Վահագն Խաչատուրյանը շնորհավորել է Կուբայի նախագահ Միգել Մարիո Դիաս-Կանել Բերմուդեսին

Հանրապետության նախագահ Վահագն Խաչատուրյանը շնորհավորական ուղերձ է հղել Կուբայի Հանրապետության նախագահ Միգել Մարիո Դիաս-Կանել Բերմուդեսին վերընտրվելու կապակցությամբ:

Ուղերձում ասվում է.

«Հայաստանը կարևորում է Կուբայի հետ բարեկամական կապերի զարգացումն ու խորացումն ինչպես երկկողմ, այնպես էլ բազմակողմ հարթակներում:

Լիահույս եմ, որ Ձեր պաշտոնավարման ժամանակաշրջանը կնշանավորվի մեր երկրների միջև արդյունավետ համագործակցության ընդլայնմամբ և ամրապնդմամբ։

Մաղթում եմ Ձեզ քաջառողջություն և հաջողություն, իսկ Կուբայի ժողովրդին` խաղաղություն և բարօրություն»։
 

← Վերադառնալ