Նախագահ Վահագն Խաչատուրյանը ներկա է գտնվել Հայրենադարձության և ինտեգրման կենտրոնի բացմանը

Հանրապետության նախագահ Վահագն Խաչատուրյանը վարչապետ Նիկոլ Փաշինյանի և երկրի բարձրագույն ղեկավարության ներկայացուցիչների հետ ներկա է գտնվել ՀՀ Սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոնի պաշտոնական բացման արարողությանը:

Միջոցառման ընթացքում ողջույնի խոսքով հանդես են եկել ՀՀ վարչապետ Նիկոլ Փաշինյանը և Սփյուռքի գործերի գլխավոր հանձնակատար Զարեհ Սինանյանը:

Նախագահը վարչապետի հետ շրջել է նորաբաց կենտրոնում և ծանոթացել վերջինիս աշխատանքային պայմաններին: