Նախագահ Արմեն Սարգսյանն այցելել է Սինգապուրի հայկական Սուրբ Գրիգոր Լուսավորիչ եկեղեցի

Հանրապետության նախագահ Արմեն Սարգսյանն այցելել է հայկական Սուրբ Գրիգոր Լուսավորիչ եկեղեցի, որն ամենահինն է Սինգապուրում։ Այն պետության կողմից պահպանվում է որպես ազգային հուշարձան։ Նախագահ Սարգսյանը երախտագիտությամբ նշել է, որ հայկական նյութական և հոգևոր ժառանգությունը Սինգապուրում պահպանվում է ամենայն հոգատարությամբ։

Հայաստանի նախագահը հարգանքի տուրք է մատուցել և ծաղիկներ դրել եկեղեցու բակում տեղադրված՝ Հայոց ցեղասպանության զոհերի հիշատակը հավերժացնող խաչքարին: