Նախագահ Սարգսյանը մասնակցել է ՀՀ ԳԱԱ տարեկան ընդհանուր հաշվետու ժողովին

Նախագահ Սերժ Սարգսյանն այսօր մասնակցել է ՀՀ գիտությունների ազգային ակադեմիայի տարեկան ընդհանուր հաշվետու ժողովին:

ՀՀ ԳԱԱ նախագահ, ակադեմիկոս Ռադիկ Մարտիրոսյանն ամփոփել է ակադեմիայի 2010թ. գիտական գործունեության արդյունքները և ներկայացրել գիտության ասպարեզում առկա խնդիրներն ու գիտության զարգացման առաջնահերթությունները:

Այնուհետև ժողովի մասնակիցները քննարկել են հաշվետու ժամանակահատվածում ՀՀ ԳԱԱ գործունեության արդյունքները: