Լրատվություն
Մամուլի հաղորդագրություններ
01
07, 2010
Նախագահ Սարգսյանը հանդիպել է ՈՒՄՎ 17-րդ տարեկան գլխավոր վեհաժողովի մասնակիցների հետ
ՀՀ նախագահ Սերժ Սարգսյանն այսօր հանդիպել է Ուղղափառության միջխորհրդարանական վեհաժողովի 17-րդ տարեկան գլխավոր վեհաժողովի մասնակիցների հետ:
Ողջունելով հյուրերին` Հանրապետության Նախագահը խորհրդանշական է համարել, որ վեհաժողովը որոշել է իր տարեկան նիստը գումարել Հայաստանում` հնագույն քրիստոնեական եւ քաղաքակրթության օրրաններից մեկում: Նախագահն ընդգծել է, որ Հայաստանում չափազանց կարեւորում են քրիստոնեական արժեքների պահպանումը, տարածումն ու հոգեւոր դաստիարակությունը: Սերժ Սարգսյանի խոսքով, քրիստոնեությունն առաջինը պետականորեն ընդունած Հայաստանը, նաեւ Հայոց եկեղեցու շնորհիվ, դարեր շարունակ` անգամ պետականության կորստի ժամանակահատվածում, ամուր կանգնած է եղել այդ արժեքների պահպանման դիրքերում եւ հպարտ է դրա համար:
Կարեւորելով վեհաժողովի` “Տարածաշրջանում քրիստոնեական հոգեւոր եւ մշակութային հուշարձանների պահպանման եւ Լեռնային Ղարաբաղի հակամարտության խաղաղ կարգավորման” բանաձեւը, Սերժ Սարգսյանն ասել է. “Կարծում եմ, որ ձեր ընդունած բանաձեւը մեծապես արժեւորվում է այս բարդ ու կոնֆլիկտային տարածաշրջանում հակամարտությունների կարգավորման, խաղաղության, փոխվստահության եւ կայունության մթնոլորտի ձեւավորման տեսանկյունից”։
Նախագահը բարձր է գնահատել Ուղղափառության միջխորհրդարանական վեհաժողովի նպատակները` ծայրահեղ ազգայնամոլության եւ կրոնական անհանդուրժողականության հաղթահարման, մարդու իրավունքների, ազգային եւ կրոնական փոքրամասնությունների պաշտպանության գործում:
Նա ողջունել է վեհաժողովի մասնակիցների որոշումը` այցելել Լեռնային Ղարաբաղի Հանրապետություն եւ տեղում ծանոթանալ դարեր շարունակ իր բնօրրանում ապրող ու արարող քրիստոնյա ժողովրդի ներկայիս մարտահրավերներին, խաղաղության պայմաններում սեփական որոշմամբ իր ապագան կառուցելու` արցախահայության ցանկությանն ու կամքին:
Ուղղափառության միջխորհրդարանական վեհաժողովի 17-րդ տարեկան գլխավոր վեհաժողովի մասնակիցները եւս խորհրդանշական ու հաճելի են համարել վեհաժողովը հայկական հինավուրց հողում, առաջին քրիստոնեական պետության մեջ գումարելը: Վեհաժողովի նախագահ, ՌԴ պետդումայի պատգամավոր Սերգեյ Պոպովը գոհունակությամբ է խոսել վեհաժողովի աշխատանքի մասին` հետաքրքիր ու բովանդակալից որակելով զեկույցներն ու դրանց շուրջ ծավալված քննարկումները: Նա վստահություն է հայտնել, որ այդ քննարկումներն այնուհետեւ կտեղափոխվեն կազմակերպության անդամ գործընկերների խորհրդարաններ, իսկ ընդունված փաստաթղթի բովանդակությունը` խորհելու տեղիք կտա պետությունների ղեկավարներին ու շահագրգիռ միջազգային կազմակերպություններին:
Հանդիպման ընթացքում զրուցակիցներն անդրադարձել են նաեւ ԼՂ հակամարտության եւ Հայաստան-Թուրքիա հարաբերությունների կարգավորման գործընթացի ներկայիս վիճակին, առկա խնդիրներին, ԼՂ հակամարտությանը վերաբերող ԵԱՀԿ Մինսկի խմբի համանախագահող երկրների ղեկավարների վերջին հայտարարությանը, ինչպես նաեւ Հայոց ցեղասպանության միջազգային ճանաչման գործընթացին:
Հանդիպման ավարտին վեհաժողովի մասնակիցները շնորհակալություն են հայտնել Նախագահ Սերժ Սարգսյանին` Հայաստանում վեհաժողովի անցկացմանն աջակցելու համար` ընդգծելով, որ նման ընտրությունը պայմանավորված է եղել նաեւ տարածաշրջանի ընդհանուր վիճակով, մտահոգություններով ու գործընթացներով: “Մենք ձեր կողքին ենք, եւ արդարությունը ձեր կողմն է: Այն, ի վերջո, կհաղթանակի”, - ասել է ՈՒՄՎ գլխավոր քարտուղար, Հունաստանի խորհրդարանի պատգամավոր Խիտիրիս Տիլեմախոսը:
Ողջունելով հյուրերին` Հանրապետության Նախագահը խորհրդանշական է համարել, որ վեհաժողովը որոշել է իր տարեկան նիստը գումարել Հայաստանում` հնագույն քրիստոնեական եւ քաղաքակրթության օրրաններից մեկում: Նախագահն ընդգծել է, որ Հայաստանում չափազանց կարեւորում են քրիստոնեական արժեքների պահպանումը, տարածումն ու հոգեւոր դաստիարակությունը: Սերժ Սարգսյանի խոսքով, քրիստոնեությունն առաջինը պետականորեն ընդունած Հայաստանը, նաեւ Հայոց եկեղեցու շնորհիվ, դարեր շարունակ` անգամ պետականության կորստի ժամանակահատվածում, ամուր կանգնած է եղել այդ արժեքների պահպանման դիրքերում եւ հպարտ է դրա համար:
Կարեւորելով վեհաժողովի` “Տարածաշրջանում քրիստոնեական հոգեւոր եւ մշակութային հուշարձանների պահպանման եւ Լեռնային Ղարաբաղի հակամարտության խաղաղ կարգավորման” բանաձեւը, Սերժ Սարգսյանն ասել է. “Կարծում եմ, որ ձեր ընդունած բանաձեւը մեծապես արժեւորվում է այս բարդ ու կոնֆլիկտային տարածաշրջանում հակամարտությունների կարգավորման, խաղաղության, փոխվստահության եւ կայունության մթնոլորտի ձեւավորման տեսանկյունից”։
Նախագահը բարձր է գնահատել Ուղղափառության միջխորհրդարանական վեհաժողովի նպատակները` ծայրահեղ ազգայնամոլության եւ կրոնական անհանդուրժողականության հաղթահարման, մարդու իրավունքների, ազգային եւ կրոնական փոքրամասնությունների պաշտպանության գործում:
Նա ողջունել է վեհաժողովի մասնակիցների որոշումը` այցելել Լեռնային Ղարաբաղի Հանրապետություն եւ տեղում ծանոթանալ դարեր շարունակ իր բնօրրանում ապրող ու արարող քրիստոնյա ժողովրդի ներկայիս մարտահրավերներին, խաղաղության պայմաններում սեփական որոշմամբ իր ապագան կառուցելու` արցախահայության ցանկությանն ու կամքին:
Ուղղափառության միջխորհրդարանական վեհաժողովի 17-րդ տարեկան գլխավոր վեհաժողովի մասնակիցները եւս խորհրդանշական ու հաճելի են համարել վեհաժողովը հայկական հինավուրց հողում, առաջին քրիստոնեական պետության մեջ գումարելը: Վեհաժողովի նախագահ, ՌԴ պետդումայի պատգամավոր Սերգեյ Պոպովը գոհունակությամբ է խոսել վեհաժողովի աշխատանքի մասին` հետաքրքիր ու բովանդակալից որակելով զեկույցներն ու դրանց շուրջ ծավալված քննարկումները: Նա վստահություն է հայտնել, որ այդ քննարկումներն այնուհետեւ կտեղափոխվեն կազմակերպության անդամ գործընկերների խորհրդարաններ, իսկ ընդունված փաստաթղթի բովանդակությունը` խորհելու տեղիք կտա պետությունների ղեկավարներին ու շահագրգիռ միջազգային կազմակերպություններին:
Հանդիպման ընթացքում զրուցակիցներն անդրադարձել են նաեւ ԼՂ հակամարտության եւ Հայաստան-Թուրքիա հարաբերությունների կարգավորման գործընթացի ներկայիս վիճակին, առկա խնդիրներին, ԼՂ հակամարտությանը վերաբերող ԵԱՀԿ Մինսկի խմբի համանախագահող երկրների ղեկավարների վերջին հայտարարությանը, ինչպես նաեւ Հայոց ցեղասպանության միջազգային ճանաչման գործընթացին:
Հանդիպման ավարտին վեհաժողովի մասնակիցները շնորհակալություն են հայտնել Նախագահ Սերժ Սարգսյանին` Հայաստանում վեհաժողովի անցկացմանն աջակցելու համար` ընդգծելով, որ նման ընտրությունը պայմանավորված է եղել նաեւ տարածաշրջանի ընդհանուր վիճակով, մտահոգություններով ու գործընթացներով: “Մենք ձեր կողքին ենք, եւ արդարությունը ձեր կողմն է: Այն, ի վերջո, կհաղթանակի”, - ասել է ՈՒՄՎ գլխավոր քարտուղար, Հունաստանի խորհրդարանի պատգամավոր Խիտիրիս Տիլեմախոսը: