Վաշինգտոնում Նախագահ Սարգսյանը մասնակցել է Գլոբալ միջուկային անվտանգության հարցերով գագաթնաժողովին

Շարունակվում է ՀՀ Նախագահի այցը Վաշինգտոն, որտեղ Գլոբալ միջուկային անվտանգության հարցերով գագաթնաժողովին մասնակցությանը զուգահեռ` Նախագահ Սարգսյանը ունեցել է մի շարք երկկողմ հանդիպումներ:

ՀՀ Նախագահը ապրիլի 12-ին հանդիպումներ է ունեցել նաեւ Ամերիկայի հայկական համագումարի եւ Հայ հեղափոխական դաշնակցության բյուրոյի ներկայացուցիչների հետ:

Քննարկվել են հայապահպանությանը, հայրենիք-սփյուռք հարաբերություններին եւ այդ հարաբերությունների ամրապնդման գործում սփյուռքի կառույցների դերին վերաբերող հարցեր:

Նախագահ Սարգսյանը Սփյուռքի մեր հայրենակիցների հետ զրուցել է նաեւ Հայաստան-Թուրքիա հարաբերությունների կարգավորման գործընթացի ներկա փուլի մասին: