Նախագահ Սերժ Սարգսյանն աշխատանքային ճաշ է ունեցել Եվրամիության անդամ երկրների դեսպանների հետ

Նախագահ Սերժ Սարգսյանն այսօր աշխատանքային ճաշ է ունեցել Հայաստանում հավատարմագրված Եվրամիության անդամ երկրների դեսպանների եւ Եվրահանձնաժողովի պատվիրակության ղեկավարի հետ:

Հանրապետության Նախագահը եւ եվրոպացի դիվանագետները մտքեր են փոխանակել Հայաստան-Եվրոպական Միություն համագործակցության ընդլայնվող օրակարգի շուրջ, ամփոփել են անցած տարվա արդյունքները, ինչպես նաեւ խոսել են հետագա անելիքների մասին: