Լրատվություն
Մամուլի հաղորդագրություններ
04
09, 2009
Նախագահ Սարգսյանին իր հավատարմագրերն է հանձնել Ռուսաստանի նորանշանակ դեսպանը
Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Ռուսաստանի Դաշնության նորանշանակ արտակարգ եւ լիազոր դեսպան Վյաչեսլավ Կովալենկոն:
Շնորհավորելով դիվանագետին` Նախագահ Սարգսյանն ասել է, որ Ռուսաստանը Հայաստանի ռազմավարական դաշնակիցն է եւ տնտեսական հիմնական գործընկերը, ուստի երկկողմ հարաբերությունների մակարդակը շատ բարձր է, իսկ տարվող աշխատանքների ծավալը` ընդգրկուն: Նա այդ իսկ պատճառով առանձնահատուկ նշանակություն է տվել Ռուսաստանի Դաշնության դեսպանի առաքելությանը Հայաստանում:
Նորանշանակ դեսպանին մաղթելով արգասաբեր աշխատանք` երկրի ղեկավարը հավաստիացրել է, որ նա իր պաշտոնավարման ընթացքում ամենայն աջակցություն կստանա Հայաստանի պետական կառավարման մարմինների կողմից:
Վյաչեսլավ Կովալենկոն ասել է, որ դեսպանի պաշտոնում իր լավագույն ջանքերը կներդնի հայ-ռուսական ռազմավարական փոխգործակցության համակողմանի զարգացման համար եւ նշել, որ անձամբ մեծ համակրանք ունի հայ ժողովրդի, նրա պատմության ու մշակույթի հանդեպ:
Դիվանագետը նաեւ նշել է, որ արդեն իսկ որոշակի մտահղացումներ ու ծրագրեր ունի եւ վստահեցրել, որ իր ամբողջ փորձն ու գիտելիքները կներդնի ոչ միայն շարունակելու, այլեւ նոր ուղղություններով համալրելու հայ-ռուսական ավանդական համագործակցությունը:
Հավատարմագրերի հանձնմանը հաջորդած զրույցի ընթացքում Նախագահ Սարգսյանը եւ դեսպան Կովալենկոն քննարկել են երկկողմ օրակարգին առնչվող մի շարք հարցեր, մտքեր են փոխանակել տարածաշրջանային խնդիրների վերաբերյալ:
Շնորհավորելով դիվանագետին` Նախագահ Սարգսյանն ասել է, որ Ռուսաստանը Հայաստանի ռազմավարական դաշնակիցն է եւ տնտեսական հիմնական գործընկերը, ուստի երկկողմ հարաբերությունների մակարդակը շատ բարձր է, իսկ տարվող աշխատանքների ծավալը` ընդգրկուն: Նա այդ իսկ պատճառով առանձնահատուկ նշանակություն է տվել Ռուսաստանի Դաշնության դեսպանի առաքելությանը Հայաստանում:
Նորանշանակ դեսպանին մաղթելով արգասաբեր աշխատանք` երկրի ղեկավարը հավաստիացրել է, որ նա իր պաշտոնավարման ընթացքում ամենայն աջակցություն կստանա Հայաստանի պետական կառավարման մարմինների կողմից:
Վյաչեսլավ Կովալենկոն ասել է, որ դեսպանի պաշտոնում իր լավագույն ջանքերը կներդնի հայ-ռուսական ռազմավարական փոխգործակցության համակողմանի զարգացման համար եւ նշել, որ անձամբ մեծ համակրանք ունի հայ ժողովրդի, նրա պատմության ու մշակույթի հանդեպ:
Դիվանագետը նաեւ նշել է, որ արդեն իսկ որոշակի մտահղացումներ ու ծրագրեր ունի եւ վստահեցրել, որ իր ամբողջ փորձն ու գիտելիքները կներդնի ոչ միայն շարունակելու, այլեւ նոր ուղղություններով համալրելու հայ-ռուսական ավանդական համագործակցությունը:
Հավատարմագրերի հանձնմանը հաջորդած զրույցի ընթացքում Նախագահ Սարգսյանը եւ դեսպան Կովալենկոն քննարկել են երկկողմ օրակարգին առնչվող մի շարք հարցեր, մտքեր են փոխանակել տարածաշրջանային խնդիրների վերաբերյալ: