Լրատվություն
Մամուլի հաղորդագրություններ
30
07, 2009
Նախագահ Սերժ Սարգսյանը ներկա է գտնվել Վ.Սարգսյանի անվան ռազմական ինստիտուտի հիմնադրման 15-ամյակի արարողությանը
Նախագահ Սերժ Սարգսյանն այսօր Հանրապետության հրապարակում ներկա է գտնվել ՀՀ Պաշտպանության նախարարության Վազգեն Սարգսյանի անվան ռազմական ինստիտուտի հիմնադրման 15-ամյակի եւ 2009թ. ռազմաուսումնական հաստատությունների շրջանավարտների ավարտական հանդիսավոր արարողությանը:
Հանրապետության Նախագահը ուսման գերազանցիկներին հանձնել է վկայականներ, դիտել է կուրսանտական, պատվոպահակային վաշտերի, նվագախմբի ցուցադրական շարանցումը, շրջանավարտների հանդիսավոր երթը:
Երկրի ղեկավարը հանդես է եկել շրջանավարտներին ուղղված ողջույնի խոսքով:
* * *
Նախագահ Սերժ Սարգսյանի ողջույնի խոսքը ՀՀ ՊՆ Վազգեն Սարգսյանի անվան ռազմական ինստիտուտի հիմնադրման 15-ամյակի եւ ռազմաուսումնական հաստատությունների շրջանավարտների ավարտական արարողության ժամանակ
Վեհափառ Տե՛ր,
Պարոնայք գեներալնե՛ր եւ սպանե՛ր,
Հարգելի՛ հայրենակիցներ եւ հյուրե՛ր,
Այսօր մենք վկան ենք նշանակալի իրադարձության` Հայաստանի ռազմաուսումնական հաստատությունների այս տարվա ավարտական արարողությանը: Մի քանի օր հետո այսօրվա շրջանավարտները սկսելու են սպայի դժվարին, բայց անչափ պատվաբեր իրենց կենսագրության առաջին էջը, համալրելու են նրանց կուռ շարքերը, ովքեր աներեր եւ պատվախնդրորեն կանգնած են ազգային-պետական գերակա խնդրի` Հայաստանի Հանրապետության սահմանների պաշտպանության եւ անվտանգության ապահովման առաջին գծում:
Խորհրդանշական է, որ ռազմաուսումնական հաստատությունների շրջանավարտների այս տարվա հոսքը համընկնում է Զինված ուժերի սպաների պատրաստման գլխավոր դարբնոցի` ռազմական ինստիտուտի ստեղծման 15-րդ տարեդարձի հանդիսությանը:
Մեր նորանկախ հանրապետության առաջին ռազմաուսումնական հաստատությունները հիմնադրվեցին կանոնավոր բանակ ձեւավորելու դժվարին օրերին, երբ դեռ ընթանում էին ակտիվ ռազմական գործողություններ: Այսօր արդեն կարող ենք ասել, որ բոլոր ռազմական կրթօջախներն էլ դարձել են ժամանակակից ռազմարվեստի հմուտ մասնագետների պատրաստման կենտրոններ, ունեն ուսումնատեխնիկական հարուստ հնարավորություններ եւ փորձառու դասախոսապրոֆեսորական եւ հրամանատարական կազմ: Վստահ եղեք, որ նախորդ տարիների նման այսուհետ եւս բանակի կատարելագործման, բարձրակարգ սպայական կադրերով համալրման, սպաների, նրանց ընտանիքների սոցիալական պաշտպանվածության խնդիրները շարունակելու են մնալ Հայաստանի Հանրապետության կառավարության եւ անձամբ իմ գործունեության գերակայություններից մեկը: Այլ կերպ չի էլ կարող լինել:
Հայտնի իրողություն է. բանակն առավել հզոր է իր սպայական կազմով, որը յուրաքանչյուր բանակի ողնաշարն է եւ որի մասնագիտական պատրաստվածությամբ, մարդկային ու բարոյական նկարագրով է պայմանավորված զորքերի մարտական պատրաստությունը: Հայաստանի զինված ուժերը սահմանների պաշտպանության, զորավարժությունների եւ խաղաղարար առաքելությունների ընթացքում բազմիցս հաստատել են իրենց մարտական արհեստավարժությունն ու բարոյակամային բարձր որակները:
Հայոց բանակը պատվով է շարունակելու իր սրբազան առաքելությունը, մնալու է մեր պետության ու ժողովրդի անվտանգության հուսալի պաշտպանը, մնալու է տարածաշրջանային խաղաղության ու կայունության առանցքային եւ անփոխարինելի բաղադրիչը: Այսօր մենք ուժեղ ենք. ուժեղ ենք, քան երբեւէ, մեր բանակն ամուր է, արդիական եւ ունակ լուծելու ցանկացած խնդիր: Նա պատվով է բռնել ո՛չ միայն պատերազմի, այլեւ խաղաղության քննությունը` մարմնավորելով ողջ հայության հաղթական ոգին:
Մեզ պատերազմով սպառնացողներին մենք հիշեցնում ենք աստվածաշնչյան խոսքը. “Սուր բարձրացնողը սրից կընկնի”: Այս բառերի անհերքելի ճշմարտացիությունն իրենց կյանքով ու մաքառումով վերահաստատել են մեր ժողովրդի լավագույն զավակները` մեր հայրերի սերունդը, մեր սերունդը, իմ սերունդը: Թող ոչ ոք չկասկածի` հարկ եղած դեպքում նույնը կլինի նաեւ այսօր:
Սիրելի՛ նորընծա սպաներ,
Այդ արդարության սուրը, հատուցման սուրը այսօրվանից նաեւ դո՛ւք եք, ձեզնից յուրաքանչյո՛ւրը: Այսօրվանից նաեւ դո՛ւք եք Հայաստանի ու Արցախի այն անկոտրում վահանը, որին բախվելով կփշրվեն ցանկացած հակառակորդի հոխորտանքներն ու հավակնությունները: Այսօրվանից նաեւ դո՛ւք եք մարմնավորում Հայոց բանակի հզորությունն ու պատվո վարքականոնը, նրա միտքն ու կարգապահությունը, նրա կամքն ու աննահանջ ոգին: Ես հավատում եմ ձեզ:
Շնորհավորում եմ բոլորիս Վազգեն Սարգսյանի անվան ինստիտուտի կազմավորման 15-րդ տարեդարձի եւ Զինված ուժերի սպայակազմի նոր համալրման առթիվ: Նորավարտ սպաներին, բանակի ողջ անձնակազմին մաղթում եմ, որ ծառայության ընթացքում անաղարտ պահեն հայ սպայի բարձր անունն ու պատիվը, որ նրանց ուղեկցեն մեր նախնյաց զինական ոգու հերոսականությունը, տոկունությունը, պետությանն ու ժողովրդին ծառայելու նվիրվածությունը` հանուն մեր հայրենիքի ու ժողովրդի խաղաղ ու ստեղծագործ աշխատանքի:
Փա՛ռք հայոց բանակին
Կեցցե՛ Հայաստանը
եւ թող հարատեւի՛ հայ ժողովուրդը:
Հանրապետության Նախագահը ուսման գերազանցիկներին հանձնել է վկայականներ, դիտել է կուրսանտական, պատվոպահակային վաշտերի, նվագախմբի ցուցադրական շարանցումը, շրջանավարտների հանդիսավոր երթը:
Երկրի ղեկավարը հանդես է եկել շրջանավարտներին ուղղված ողջույնի խոսքով:
* * *
Նախագահ Սերժ Սարգսյանի ողջույնի խոսքը ՀՀ ՊՆ Վազգեն Սարգսյանի անվան ռազմական ինստիտուտի հիմնադրման 15-ամյակի եւ ռազմաուսումնական հաստատությունների շրջանավարտների ավարտական արարողության ժամանակ
Վեհափառ Տե՛ր,
Պարոնայք գեներալնե՛ր եւ սպանե՛ր,
Հարգելի՛ հայրենակիցներ եւ հյուրե՛ր,
Այսօր մենք վկան ենք նշանակալի իրադարձության` Հայաստանի ռազմաուսումնական հաստատությունների այս տարվա ավարտական արարողությանը: Մի քանի օր հետո այսօրվա շրջանավարտները սկսելու են սպայի դժվարին, բայց անչափ պատվաբեր իրենց կենսագրության առաջին էջը, համալրելու են նրանց կուռ շարքերը, ովքեր աներեր եւ պատվախնդրորեն կանգնած են ազգային-պետական գերակա խնդրի` Հայաստանի Հանրապետության սահմանների պաշտպանության եւ անվտանգության ապահովման առաջին գծում:
Խորհրդանշական է, որ ռազմաուսումնական հաստատությունների շրջանավարտների այս տարվա հոսքը համընկնում է Զինված ուժերի սպաների պատրաստման գլխավոր դարբնոցի` ռազմական ինստիտուտի ստեղծման 15-րդ տարեդարձի հանդիսությանը:
Մեր նորանկախ հանրապետության առաջին ռազմաուսումնական հաստատությունները հիմնադրվեցին կանոնավոր բանակ ձեւավորելու դժվարին օրերին, երբ դեռ ընթանում էին ակտիվ ռազմական գործողություններ: Այսօր արդեն կարող ենք ասել, որ բոլոր ռազմական կրթօջախներն էլ դարձել են ժամանակակից ռազմարվեստի հմուտ մասնագետների պատրաստման կենտրոններ, ունեն ուսումնատեխնիկական հարուստ հնարավորություններ եւ փորձառու դասախոսապրոֆեսորական եւ հրամանատարական կազմ: Վստահ եղեք, որ նախորդ տարիների նման այսուհետ եւս բանակի կատարելագործման, բարձրակարգ սպայական կադրերով համալրման, սպաների, նրանց ընտանիքների սոցիալական պաշտպանվածության խնդիրները շարունակելու են մնալ Հայաստանի Հանրապետության կառավարության եւ անձամբ իմ գործունեության գերակայություններից մեկը: Այլ կերպ չի էլ կարող լինել:
Հայտնի իրողություն է. բանակն առավել հզոր է իր սպայական կազմով, որը յուրաքանչյուր բանակի ողնաշարն է եւ որի մասնագիտական պատրաստվածությամբ, մարդկային ու բարոյական նկարագրով է պայմանավորված զորքերի մարտական պատրաստությունը: Հայաստանի զինված ուժերը սահմանների պաշտպանության, զորավարժությունների եւ խաղաղարար առաքելությունների ընթացքում բազմիցս հաստատել են իրենց մարտական արհեստավարժությունն ու բարոյակամային բարձր որակները:
Հայոց բանակը պատվով է շարունակելու իր սրբազան առաքելությունը, մնալու է մեր պետության ու ժողովրդի անվտանգության հուսալի պաշտպանը, մնալու է տարածաշրջանային խաղաղության ու կայունության առանցքային եւ անփոխարինելի բաղադրիչը: Այսօր մենք ուժեղ ենք. ուժեղ ենք, քան երբեւէ, մեր բանակն ամուր է, արդիական եւ ունակ լուծելու ցանկացած խնդիր: Նա պատվով է բռնել ո՛չ միայն պատերազմի, այլեւ խաղաղության քննությունը` մարմնավորելով ողջ հայության հաղթական ոգին:
Մեզ պատերազմով սպառնացողներին մենք հիշեցնում ենք աստվածաշնչյան խոսքը. “Սուր բարձրացնողը սրից կընկնի”: Այս բառերի անհերքելի ճշմարտացիությունն իրենց կյանքով ու մաքառումով վերահաստատել են մեր ժողովրդի լավագույն զավակները` մեր հայրերի սերունդը, մեր սերունդը, իմ սերունդը: Թող ոչ ոք չկասկածի` հարկ եղած դեպքում նույնը կլինի նաեւ այսօր:
Սիրելի՛ նորընծա սպաներ,
Այդ արդարության սուրը, հատուցման սուրը այսօրվանից նաեւ դո՛ւք եք, ձեզնից յուրաքանչյո՛ւրը: Այսօրվանից նաեւ դո՛ւք եք Հայաստանի ու Արցախի այն անկոտրում վահանը, որին բախվելով կփշրվեն ցանկացած հակառակորդի հոխորտանքներն ու հավակնությունները: Այսօրվանից նաեւ դո՛ւք եք մարմնավորում Հայոց բանակի հզորությունն ու պատվո վարքականոնը, նրա միտքն ու կարգապահությունը, նրա կամքն ու աննահանջ ոգին: Ես հավատում եմ ձեզ:
Շնորհավորում եմ բոլորիս Վազգեն Սարգսյանի անվան ինստիտուտի կազմավորման 15-րդ տարեդարձի եւ Զինված ուժերի սպայակազմի նոր համալրման առթիվ: Նորավարտ սպաներին, բանակի ողջ անձնակազմին մաղթում եմ, որ ծառայության ընթացքում անաղարտ պահեն հայ սպայի բարձր անունն ու պատիվը, որ նրանց ուղեկցեն մեր նախնյաց զինական ոգու հերոսականությունը, տոկունությունը, պետությանն ու ժողովրդին ծառայելու նվիրվածությունը` հանուն մեր հայրենիքի ու ժողովրդի խաղաղ ու ստեղծագործ աշխատանքի:
Փա՛ռք հայոց բանակին
Կեցցե՛ Հայաստանը
եւ թող հարատեւի՛ հայ ժողովուրդը: