Լրատվություն
Մամուլի հաղորդագրություններ
21
05, 2009
Նախագահ Սերժ Սարգսյանի հրավերով պաշտոնական այցով Հայաստան է ժամանել Խորվաթիայի Նախագահ Ստյեպան Մեսիչը
Նախագահ Սերժ Սարգսյանի հրավերով այսօր երեկոյան պաշտոնական այցով Հայաստան է ժամանել Խորվաթիայի Նախագահ Ստյեպան Մեսիչը: Սա Խորվաթիայի Նախագահի առաջին պաշտոնական այցն է մեր երկիր:
Այցի հիմնական նպատակն է ամրապնդել միջպետական կապերը, նախանշել երկու երկրների միջեւ տնտեսական համագործակցության առաջնային ուղղություններն ու խնդիրները, խթանել գիտակրթական եւ մշակութային կապերի զարգացումը:
Մայիսի 22-ին ՀՀ Նախագահի նստավայրում տեղի կունենա Խորվաթիայի Նախագահի դիմավորման պաշտոնական արարողությունը, որին կհաջորդի Նախագահներ Սերժ Սարգսյանի եւ Ստյեպան Մեսիչի առանձնազրույցը: Այնուհետեւ կկայանա պաշտոնական պատվիրակությունների ընդլայնված կազմով հանդիպումը, որից հետո կստորագրվեն միջկառավարական փաստաթղթեր: Հայաստանի եւ Խորվաթիայի ղեկավարները հանդես կգան համատեղ մամուլի ասուլիսով:
Այցի շրջանակում Ստյեպան Մեսիչը հանդիպումներ կունենա նաեւ ԱԺ նախագահ Հովիկ Աբրահամյանի եւ վարչապետ Տիգրան Սարգսյանի հետ, կհյուրընկալվի Ն.Ս.Օ.Տ.Տ Գարեգին Երկրորդ Ամենայն Հայոց կաթողիկոսին:
Խորվաթիայի Նախագահը կայցելի նաեւ Մեծ եղեռնի հուշահամալիր, ծաղկեպսակ կդնի զոհերի հուշակոթողին, կլինի Հայոց ցեղասպանության թանգարանում:
Երեւանի պետական համալսարանում Ստյեպան Մեսիչը հանդիպում կունենա պրոֆեսորադասախոսական կազմի եւ ուսանողների հետ:
Հայաստան այցի օրերին Խորվաթիայի ղեկավարը կլինի նաեւ Մատենադարանում:
Մայիսի 23-ին Նախագահը Մեսիչը կմեկնի Հայաստանից:
Այցի հիմնական նպատակն է ամրապնդել միջպետական կապերը, նախանշել երկու երկրների միջեւ տնտեսական համագործակցության առաջնային ուղղություններն ու խնդիրները, խթանել գիտակրթական եւ մշակութային կապերի զարգացումը:
Մայիսի 22-ին ՀՀ Նախագահի նստավայրում տեղի կունենա Խորվաթիայի Նախագահի դիմավորման պաշտոնական արարողությունը, որին կհաջորդի Նախագահներ Սերժ Սարգսյանի եւ Ստյեպան Մեսիչի առանձնազրույցը: Այնուհետեւ կկայանա պաշտոնական պատվիրակությունների ընդլայնված կազմով հանդիպումը, որից հետո կստորագրվեն միջկառավարական փաստաթղթեր: Հայաստանի եւ Խորվաթիայի ղեկավարները հանդես կգան համատեղ մամուլի ասուլիսով:
Այցի շրջանակում Ստյեպան Մեսիչը հանդիպումներ կունենա նաեւ ԱԺ նախագահ Հովիկ Աբրահամյանի եւ վարչապետ Տիգրան Սարգսյանի հետ, կհյուրընկալվի Ն.Ս.Օ.Տ.Տ Գարեգին Երկրորդ Ամենայն Հայոց կաթողիկոսին:
Խորվաթիայի Նախագահը կայցելի նաեւ Մեծ եղեռնի հուշահամալիր, ծաղկեպսակ կդնի զոհերի հուշակոթողին, կլինի Հայոց ցեղասպանության թանգարանում:
Երեւանի պետական համալսարանում Ստյեպան Մեսիչը հանդիպում կունենա պրոֆեսորադասախոսական կազմի եւ ուսանողների հետ:
Հայաստան այցի օրերին Խորվաթիայի ղեկավարը կլինի նաեւ Մատենադարանում:
Մայիսի 23-ին Նախագահը Մեսիչը կմեկնի Հայաստանից: