Նախագահ Սարգսյանը ներկա է գտնվել օլիմպիական չեմպիոնների եւ մշակութային գործիչների միջեւ շախմատային խաղին

ՀՀ Նախագահ, Հայաստանի շախմատի ֆեդերացիայի նախագահ Սերժ Սարգսյանն այսօր ներկա է գտնվել մշակույթի նախարարության և Հայաստանի շախմատի ֆեդերացիայի նախաձեռնությամբ շախմատի օլիմպիական չեմպիոնների եւ մշակութային գործիչների միջեւ անցկացված միաժամանակյա խաղին:

Շախմատի օլիմպիադայի կրկնակի չեմպիոններ Տիգրան Պետրոսյանը, Վլադիմիր Հակոբյանը եւ Գաբրիել Սարգսյանը միաժամանակյա շախմատային խաղ են անցկացրել Հայաստանի մշակույթի 33 գործիչների հետ: