23
01, 2009

Նախագահ Սերժ Սարգսյանին իր հավատարմագրերն է հանձնել Ֆիլիպինների Հանրապետության արտակարգ և լիազոր դեսպանը

album picture
album picture
Այսօր Հայաստանի Հանրապետության Նախագահ Սերժ Սարգսյանին իր հավատարմագրերն է հանձնել Ֆիլիպինների Հանրապետության արտակարգ և լիազոր դեսպան Վիկտոր Գարսիա III-ը:

Հայաստանի Հանրապետության պետական արարողակարգով նախատեսված հավատարմագրերի հանձնման արարողությունից հետո տեղի ունեցած առանձնազրույցի ընթացքում Նախագահ Սարգսյանը շնորհակալություն է հայտնել` միջազգային կազմակերպություններում Հայաստանին վերաբերող խնդիրների շուրջ Ֆիլիպինների Հանրապետության մշտապես հավասարակշռված դիրքորոշման համար:

Հանդիպման ընթացքում կարևորվել է երկկողմ շփումների հետագա ակտիվացումը և բավարար գնահատվել տնտեսության առանձին ճյուղերում փոխգործակցություն ծավալելու համար առկա ներուժը:

← Վերադառնալ