Լրատվություն
Մամուլի հաղորդագրություններ
13
11, 2008
Նախագահ Սերժ Սարգսյանին իր հավատարմագրերն է հանձնել Հայաստանում Էստոնիայի նորանշանակ դեսպանը
Նախագահ Սերժ Սարգսյանին այսօր իր հավատարմագրերն է հանձնել Հայաստանում Էստոնիայի նորանշանակ դեսպան Տոմաս Լուքին (նստավայրը` Թբիլիսի):
Շնորհավորելով դիվանագետին` պաշտոնը ստանձնելու առթիվ, Նախագահը կարեւորել է Էստոնիայի հետ ինչպես երկկողմ, այնպես էլ ԵՄ Եվրոպական հարեւանության քաղաքականության շրջանակում ակտիվ եւ համակողմանի փոխգործակցության զարգացումը:
Երկրի ղեկավարը Հայաստանի համար հետաքրքիր եւ օգտակար է համարել Բալթյան երկրների անցած ճանապարհն ու կուտակած փորձը:
Նշելով, որ հարաբերությունների զարգացման լավագույն ճանապարհը սերտ կապեր պահպանելն է, դեսպան Լուքն ասել է, որ իր երկիրն ունի ցանկություն եւ նպատակադրված է հայկական կողմի հետ խորացնել բազմաբովանդակ համագործակցություն, որի համար լավ հիմք է նաեւ Հայաստանի նկատմամբ տածած համակրանքը:
Սերժ Սարգսյանը վստահեցրել է, որ դեսպանն իր աշխատանքում կարող է ակնկալել հայկական կողմի ամենայն աջակցությունը:
Շնորհավորելով դիվանագետին` պաշտոնը ստանձնելու առթիվ, Նախագահը կարեւորել է Էստոնիայի հետ ինչպես երկկողմ, այնպես էլ ԵՄ Եվրոպական հարեւանության քաղաքականության շրջանակում ակտիվ եւ համակողմանի փոխգործակցության զարգացումը:
Երկրի ղեկավարը Հայաստանի համար հետաքրքիր եւ օգտակար է համարել Բալթյան երկրների անցած ճանապարհն ու կուտակած փորձը:
Նշելով, որ հարաբերությունների զարգացման լավագույն ճանապարհը սերտ կապեր պահպանելն է, դեսպան Լուքն ասել է, որ իր երկիրն ունի ցանկություն եւ նպատակադրված է հայկական կողմի հետ խորացնել բազմաբովանդակ համագործակցություն, որի համար լավ հիմք է նաեւ Հայաստանի նկատմամբ տածած համակրանքը:
Սերժ Սարգսյանը վստահեցրել է, որ դեսպանն իր աշխատանքում կարող է ակնկալել հայկական կողմի ամենայն աջակցությունը: