Լրատվություն
Մամուլի հաղորդագրություններ
20
06, 2008
Նախագահ Սերժ Սարգսյանի բացառիկ մեկնաբանությունն «Ազատ Եվրոպա/Ազատություն» ռադիոկայանին
Նախագահ Սերժ Սարգսյանի բացառիկ մեկնաբանությունն «Ազատ Եվրոպա/Ազատություն» ռադիոկայանին.
«Վերջին մի քանի ամիսների ընթացքում Հայաստանը եվրոպական մամուլի առաջին էջերում հայտնվեց երկու պատճառով, մեկը` վատ, մյուսը` լավ: Առաջինը փետրվարյան նախագահական ընտրություններից հետո մեր մայրաքաղաքում տեղի ունեցած անկարգություններն էին, երկրորդը` հունիսի 7-ին իմ եւ իմ ադրբեջանցի գործընկերոջ միջեւ տեղի ունեցած հանդիպումը: Երկուսն էլ ընդգծում էին, որ Հայաստանը եվրոպական հարեւանության անցումային փուլում գտնվող երկիր է: Չնայած մեր ճանապարհին առկա բազմաթիվ խոչընդոտներին` Հայաստանը խորացնում է իր բարեփոխումները եւ ամրապնդում իր ժողովրդավարական ինստիտուտները` որպես կայուն եւ լավ կառավարման տանող իր ուղու մի մաս:
Քաղաքական ուժերի շրջանում հետընտրական տարաձայնությունները ինձ հնարավորություն են ընձեռել ընդարձակ քաղաքական կոալիցիա ձեւավորել` միավորելով խորհրդարանում ներկայացված հինգ խմբակցություններից չորսը: Այդ կոալիցիայի առաքելության կարեւոր մասը լայնածավալ, ժողովրդավարական ուղղվածություն ունեցող սոցիալական եւ տնտեսական բարեփոխումներն են, որոնք այս պահին իրագործվում են: Մենք միասին աշխատում ենք` Եվրախորհրդի խորհրդարանական վեհաժողովի թիվ 1609 բանաձեւի տառին եւ ոգուն համահունչ:
Միջազգային չափանիշներին համապատասխան զգալի բարեփոխումները ներառում են «Ժողովներ, հանրահավաքներ, երթեր ու ցույցեր» անցկացնելու մասին օրենքի ազատականացումը, խորհրդարանական ըննդիմության իրավունքների ընդարձակումը` հատուկ օրենսդրական փոփոխություններին ճանապարհով, որոնք երաշխավորում են քաղաքական համակարգում եւ որոշումների ընդունման գործընթացում ներգրավվելու դեր, Ընտրական օրենսգրքի փոփոխությունների ամբողջական փաթեթը` ԵԱՀԿ-ի հանձնարարականներին համապատասխան, որոնք ներառում են դրույթներ ինչպես խորհրդարանում ներկայացված, այնպես էլ չներկայացված ուժերի մասնակցության վերաբերյալ, եւ` էական փոփոխություններ «Հեռուստատեսության եւ ռադիոյի մասին» օրենքում: Բոլոր այս բարեփոխումները իրականացվել են Եվրախորհրդի Վենետիկի հանձնաժողովի փորձագետների դրական գնահատականներով:
Սրանք, ամեն դեպքում, վճռական քայլեր են` երկարաժամկետ բարեփոխումների ուղղությամբ, որոնք հասցեագրված են լինելու վերջին ընտրությունների արդյունքում ի հայտ եկած դժգոհությանը եւ երաշխավորելու են ավելի մեծ ազատություն Հայաստանի ժողովրդի համար: Մենք ողջունում ենք ցանկացած առաջարկ Եվրամիության, եւ դրա նախագահությունը ստանձնող Ֆրանսիայի կողմից` այս բարեփոխումները աջակցելու եւ դրանց արդյունավետ իրագործումը երաշխավորելու ուղղությամբ:
ԵԽԽՎ-ի հանձնարարականներից զատ` մենք նախաձեռնել ենք իրավապահ համակարգի լուրջ բարեփոխումներ, ինչպես նաեւ ստեղծվել է խորհրդարանական հատուկ հանձնաժողով` Ազգային ժողովի բոլոր խմբակցությունների մասնակցությամբ, որը զբաղվելու է հետընտրական ողբերգական իրադարձությունների ուսումնասիրմամբ: Այս հանձնաժողովն ունենալու է հնարավոր ամենաընդարձակ իշխանությունը` փաստերն ուսումնասիրելու եւ իր սեփական, անկախ եզրակացությունը ներկայացնելու համար: Արտախորհրդարանական խմբերին, քաղաքացիական հասարակության կառույցներին եւ միջազգային փորձագետներին կոչ է արվում մասնակցել այդ ջանքերին:
ԵԽԽՎ-ի մոնիտորնգի հանձնաժողովի հետ համատեղ մենք մինչ օրս նկատում ենք կարեւոր առաջընթաց: Սակայն դեռեւս շատ աշխատանք կա կատարելու: Բարեբախտաբար, մեր կոալիցիայում առկա է մեր հավակնոտ ծրագրերն առաջ տանելու քաղաքական կամք: Մենք ընդունում ենք, որ մեր առջեւ դրված է Եվրոպայի եւ առավել ընդարձակ միջազգային համայնքի համար գրավիչ լինելու հարցը:
Պատմությունը դաժան է եղել Հայաստանի նկատմամբ: Մեր ժողովուրդը հաղթահարել է բազմաթիվ դժվարություններ` թե հեռու, թե մոտ անցյալում: Բայց մենք հաստատակամ ենք, որ մեր երկիրը չպետք է մշտապես խրված մնա անցումային փուլում: Օրինակ վերցնելով ԱՄՆ-ի մարդու քաղաքացիական իրավունքների շարժումից` ես վստահ եմ, որ չնայած առաջիկա մարտահրավերներին` մեր կհաղթանակենք: Որպես Եվրոպական հարեւանության խանդավառ անդամներից մեկը` Հայաստանը ի վերջո կապացուցի, որ իր ժողովրդավարական կառավարումը անշրջելի է»:
«Վերջին մի քանի ամիսների ընթացքում Հայաստանը եվրոպական մամուլի առաջին էջերում հայտնվեց երկու պատճառով, մեկը` վատ, մյուսը` լավ: Առաջինը փետրվարյան նախագահական ընտրություններից հետո մեր մայրաքաղաքում տեղի ունեցած անկարգություններն էին, երկրորդը` հունիսի 7-ին իմ եւ իմ ադրբեջանցի գործընկերոջ միջեւ տեղի ունեցած հանդիպումը: Երկուսն էլ ընդգծում էին, որ Հայաստանը եվրոպական հարեւանության անցումային փուլում գտնվող երկիր է: Չնայած մեր ճանապարհին առկա բազմաթիվ խոչընդոտներին` Հայաստանը խորացնում է իր բարեփոխումները եւ ամրապնդում իր ժողովրդավարական ինստիտուտները` որպես կայուն եւ լավ կառավարման տանող իր ուղու մի մաս:
Քաղաքական ուժերի շրջանում հետընտրական տարաձայնությունները ինձ հնարավորություն են ընձեռել ընդարձակ քաղաքական կոալիցիա ձեւավորել` միավորելով խորհրդարանում ներկայացված հինգ խմբակցություններից չորսը: Այդ կոալիցիայի առաքելության կարեւոր մասը լայնածավալ, ժողովրդավարական ուղղվածություն ունեցող սոցիալական եւ տնտեսական բարեփոխումներն են, որոնք այս պահին իրագործվում են: Մենք միասին աշխատում ենք` Եվրախորհրդի խորհրդարանական վեհաժողովի թիվ 1609 բանաձեւի տառին եւ ոգուն համահունչ:
Միջազգային չափանիշներին համապատասխան զգալի բարեփոխումները ներառում են «Ժողովներ, հանրահավաքներ, երթեր ու ցույցեր» անցկացնելու մասին օրենքի ազատականացումը, խորհրդարանական ըննդիմության իրավունքների ընդարձակումը` հատուկ օրենսդրական փոփոխություններին ճանապարհով, որոնք երաշխավորում են քաղաքական համակարգում եւ որոշումների ընդունման գործընթացում ներգրավվելու դեր, Ընտրական օրենսգրքի փոփոխությունների ամբողջական փաթեթը` ԵԱՀԿ-ի հանձնարարականներին համապատասխան, որոնք ներառում են դրույթներ ինչպես խորհրդարանում ներկայացված, այնպես էլ չներկայացված ուժերի մասնակցության վերաբերյալ, եւ` էական փոփոխություններ «Հեռուստատեսության եւ ռադիոյի մասին» օրենքում: Բոլոր այս բարեփոխումները իրականացվել են Եվրախորհրդի Վենետիկի հանձնաժողովի փորձագետների դրական գնահատականներով:
Սրանք, ամեն դեպքում, վճռական քայլեր են` երկարաժամկետ բարեփոխումների ուղղությամբ, որոնք հասցեագրված են լինելու վերջին ընտրությունների արդյունքում ի հայտ եկած դժգոհությանը եւ երաշխավորելու են ավելի մեծ ազատություն Հայաստանի ժողովրդի համար: Մենք ողջունում ենք ցանկացած առաջարկ Եվրամիության, եւ դրա նախագահությունը ստանձնող Ֆրանսիայի կողմից` այս բարեփոխումները աջակցելու եւ դրանց արդյունավետ իրագործումը երաշխավորելու ուղղությամբ:
ԵԽԽՎ-ի հանձնարարականներից զատ` մենք նախաձեռնել ենք իրավապահ համակարգի լուրջ բարեփոխումներ, ինչպես նաեւ ստեղծվել է խորհրդարանական հատուկ հանձնաժողով` Ազգային ժողովի բոլոր խմբակցությունների մասնակցությամբ, որը զբաղվելու է հետընտրական ողբերգական իրադարձությունների ուսումնասիրմամբ: Այս հանձնաժողովն ունենալու է հնարավոր ամենաընդարձակ իշխանությունը` փաստերն ուսումնասիրելու եւ իր սեփական, անկախ եզրակացությունը ներկայացնելու համար: Արտախորհրդարանական խմբերին, քաղաքացիական հասարակության կառույցներին եւ միջազգային փորձագետներին կոչ է արվում մասնակցել այդ ջանքերին:
ԵԽԽՎ-ի մոնիտորնգի հանձնաժողովի հետ համատեղ մենք մինչ օրս նկատում ենք կարեւոր առաջընթաց: Սակայն դեռեւս շատ աշխատանք կա կատարելու: Բարեբախտաբար, մեր կոալիցիայում առկա է մեր հավակնոտ ծրագրերն առաջ տանելու քաղաքական կամք: Մենք ընդունում ենք, որ մեր առջեւ դրված է Եվրոպայի եւ առավել ընդարձակ միջազգային համայնքի համար գրավիչ լինելու հարցը:
Պատմությունը դաժան է եղել Հայաստանի նկատմամբ: Մեր ժողովուրդը հաղթահարել է բազմաթիվ դժվարություններ` թե հեռու, թե մոտ անցյալում: Բայց մենք հաստատակամ ենք, որ մեր երկիրը չպետք է մշտապես խրված մնա անցումային փուլում: Օրինակ վերցնելով ԱՄՆ-ի մարդու քաղաքացիական իրավունքների շարժումից` ես վստահ եմ, որ չնայած առաջիկա մարտահրավերներին` մեր կհաղթանակենք: Որպես Եվրոպական հարեւանության խանդավառ անդամներից մեկը` Հայաստանը ի վերջո կապացուցի, որ իր ժողովրդավարական կառավարումը անշրջելի է»: