Լրատվություն
Արտերկրյա այցեր
07
09, 2009
Նախագահ Սերժ Սարգսյանի պաշտոնական այցը Խորվաթիայի Հանրապետություն
ՀՀ Նախագահ Սերժ Սարգսյանը Խորվաթիայի Նախագահ Ստյեպան Մեսիչի հրավերով այսօր երկօրյա պաշտոնական այցով ժամանել է Խորվաթիայի Հանրապետություն:
ՀՀ Նախագահի գլխավորած պատվիրակության կազմում են ՀՀ արտգործնախարար Էդվարդ Նալբանդյանը, էկոնոմիկայի նախարար Ներսես Երիցյանը, Հայաստանի արդյունաբերողների եւ գործարարների (գործատուների) միության նախագահ Արսեն Ղազարյանը, Առեւտրաարդյունաբերական պալատի նախագահ Մարտին Սարգսյանը, պաշտոնատար այլ անձինք, գործարարներ:
Դիմավորման պաշտոնական արարողությունից հետո, որը տեղի է ունեցել Վելիկի Բրիյուն կղզում` տեղի Սպիտակ շքատանը, կայացել է Հայաստանի եւ Խորվաթիայի նախագահներ Սերժ Սարգսյանի եւ Ստյեպան Մեսիչի առանձնազրույցը: Երկու երկրների նախագահները բարձր են գնահատել Հայաստանի եւ Խորվաթիայի միջեւ քաղաքական երկխոսության ներկա մակարդակը: Առանձնազրույցի ընթացքում կողմերը քննարկել են երկու երկրների միջեւ փոխգործակցությանը, միջազգային օրակարգին վերաբերող, փոխադարձ հետաքրքրություն ներկայացնող այլ հարցեր:
Շնորհակալություն հայտնելով Ստյեպան Մեսիչին` ջերմ ընդունելության համար, ՀՀ Նախագահը նշել է, որ Խորվաթիայի Նախագահի` Հայաստան կատարած պաշտոնական այցի ընթացքում ձեռք բերված պայմանավորվածություններն իրականացման ընթացքի մեջ են: Փոխգործակցության խորացմանը նպասատում է այն հանգամանքը, որ երկու երկրների միջեւ չկա որեւէ բաց հարց, իսկ ժողովուրդների անցած պատմական ուղին շատ նման է: Կողմերը շեշտել են, որ երկուստեք առկա է քաղաքական կամք` ամենատարբեր ոլորտներում փոխգործակցությունն առաջ մղելու համար: Նախագահ Սարգսյանը դրական է գնահատել այն հանգամանքը, որ իր գլխավորած պատվիրակության կազմում կան մեծ թվով գործարարներ, եւ վաղը կայանալիք գործարար համաժողովում կողմերը հնարավորություն կունենան քննարկելու տնտեսության տարբեր ոլորտներում համագործակցությանը վերաբերող կոնկրետ նախագծեր, նախաձեռնություններ:
Նախագահները քննարկել են մասնավորապես զբոսաշրջության բնագավառում համագործակցության զարգացման հեռանկարները` նշելով, որ այդ ուղղությամբ բավարար ռեսուրսներ կան: Պայմանավորվածություն է ձեռք բերվել, որ Հայաստանի մարզերից մեկը փոխգործակցություն սկսի Խորվաթիայի զբոսաշրջային առաջատար շրջաններից մեկի հետ, միաժամանակ հայ ուսանողները հնարավորություն կունենան այս բնագավառում մասնագիտանալու խորվաթական բուհերում: Կողմերը քննարկել են նաեւ գյուղատնտեսության ոլորտում համատեղ ծրագրերի իրականացման հեռանկարները:
Խորվաթիայի Նախագահը համոզմունք է հայտնել, որ Հայաստանի եւ Խորվաթիայի միջեւ համագործակցության խորացումն իր նպաստը կբերի բալկանյան եւ հարավկովկասյան տարածաշրջանների միջեւ կապերի ընդլայնմանը: Ընդգծելով, որ սա իր առաջին այցն է բալկանյան տարածաշրջան, Նախագահ Սարգսյանը նշել է, որ Հայաստանն ու Խորվաթիան ունեն նույն արժեհամակարգը, եւ անհրաժեշտ է օգտագործել այն մեծ ներուժը, որ առկա է երկկողմ հարաբերությունների զարգացման համար, ինչին մեծապես նպաստում են երկու երկրների նախագահների փոխադարձ այցերն այս տարվա ընթացքում:
Խորվաթիայի Նախագահ Ստյեպան Մեսիչը ներկայացրել է անկախացումից հետո իր երկրի անցած ճանապարհը, Խորվաթիայի արտաքին քաղաքականության ներկա օրակարգը, տեղեկություն է տրամադրել Եվրամիության անդամակցության գործընթացի վերաբերյալ: Հանդիպման ժամանակ նշվել է, որ վաղը երկու երկրների արտաքին գործերի նախարարությունների միջեւ ստորագրվելու է եվրոպական ինտեգրացիայի ուղղությամբ քաղաքական խորհրդատվություններին վերաբերող արձանագրություն, որը կարեւոր է տվյալ ուղղությամբ համագործակցությունը կայուն հիմքերի վրա դնելու համար: Ս. Սարգսյանը կարեւորել է երկու երկրների համագործակցությունը` ԵՄ տարբեր ձեւաչափերում ու նախաձեռնությունների շրջանակներում: Կողմերը պայմանավորվել են նաեւ միջազգային կառույցներում համաձայնեցված համագործակցության վերաբերյալ:
ՀՀ նախագահը Խորվաթիայի գործընկերոջը ներկայացրել է նաեւ հայ-թուրքական քաղաքական երկխոսության վերջին զարգացումների եւ հարաբերությունների կարգավորման Հայաստանի տեսլականի մասին, տեղեկություններ է հաղորդվել Լեռնային Ղարաբաղի հակամարտության բանակցային գործընթացի վերաբերյալ: Խորվաթիայի նախագահը ողջունել է Թուրքիայի հետ հարաբերությունները կարգավորելու ՀՀ նախագահի նախաձեռնությունը եւ վստահություն հայտնել, որ հայ-թուրքական հարաբերությունների կարգավորումն իր հերթին կբերի տարծաշրջանում խաղաղության եւ անվտանգության ամրապնդմանը: Երկու երկրների համագործակցությունը ինստիտուցիոնալ հիմքերի վրա դնելու համար Հայաստանի եւ Խորվաթիայի նախագահները կարեւորել են միջկառավարական հանձնաժողովի ստեղծումը, որը մշտական հիմունքներով կզբաղվի ձեռք բերված բոլոր պայմանավորվածությունների իրականացմամբ եւ համագործակցության նոր ոլորտների խթանմամբ:
Առանձնազրույցից հետո երկկողմ բանակցությունները շարունակվել են ընդլայնված կազմով:
Օրվա երկրորդ կեսին ՀՀ Նախագահը մասնակցել է Խորվաթիայի նախագահի կողմից իր պատվին տված պաշտոնական ճաշին, այցելել Վելիկի Բրիյուն կղզում բացված հայտնի քաղաքական գործիչ Տիտոյին նվիրված ցուցահանդես:
Երկօրյա պաշտոնական այցով Զագրեբում գտնվող ՀՀ նախագահ Սերժ Սարգսյանն այսօր առավոտյան Խորվաթիայի Հանրապետության նախագահ Ստյեպան Մեսիչի հետ մասնակցել եւ ելույթ է ունեցել հայ-խորվաթական առաջին գործարար համաժողովում, որի անցկացման պայմանավորվածությունը ձեռք էր բերվել Խորվաթիայի Նախագահի` Հայաստան կատարած պաշտոնական այցի ընթացքում: Համաժողովին մասնակցել են տնտեսության տարբեր ոլորտներ ներկայացնող հայ եւ խորվաթ շուրջ հարյուր գործարար: Այցի շրջանակում Հայաստանի առեւտրաարդյունաբերական եւ Խորվաթիայի տնտեսական պալատների միջեւ ստորագրվել է համագործակցության հուշագիր:
Նախագահ Սարգսյանն այցելել է Զագրեբի աստղադիտարան, ծանոթացել Երեւանի Ֆիզիկայի ինստիտուտի օժանդակությամբ ստեղծված տիեզերական ուսումնասիրությունների ՙՍեւան՚ անունը կրող նորագույն սարքավորմանը, ծանոթացել խորվաթ ու հայ աստղաֆիզիկոսների կողմից իրականացվող համատեղ ծրագրերին: Հայաստանի Հանրապետության Նախագահն այցելել է նաեւ Զագրեբ քաղաքի պատմության թանգարան, ծանոթացել Խորվաթիայի մայրաքաղաքի պատմությանն ու ցուցադրվող վավերագրերին: Նախագահ Սերժ Սարգսյանը այցելել է նաեւ խոշոր քաղաքական-պետական գործիչ Տիտոյի` Վելիկի Բրիյուն կղզում գտնվող տուն-թանգարանի վերածված ամառային նստավայր, որտեղ ծանոթացել է Տիտոյի քաղաքական-պետական կենսագրությանը վերաբերող ցուցանմուշներին ու վավերագրերին: Խորվաթիայի Նախագահ Ստյեպան Մեսիչի ողեկցությամբ Սերժ Սարգսյանն այցելել է նաեւ Տիտոյի կողմից տասնամյակներ առաջ կառուցված գինետուն:
Զագրեբում Հայաստանի Հանրապետության Նախագահ Սերժ Սարգսյանն այսօր հանդիպում է ունեցել նաեւ Խորվաթիայի Հանրապետության խորհրդարանի նախագահ Լուկա Բեբիչի հետ: Զրուցակիցները մեկ անգամ եւս ամրագրել են երկուստեք առկա քաղաքական կամքը տարբեր ուղղություններով, երկկողմ ու բազմակողմ մակարդակներում հայ-խորվաթական փոխգործակցությունը առաջ մղելու համար: Սերժ Սարգսյանն ու Լուկա Բաբիչը կարեւորել են երկու երկրների խորհրդարաններում բարեկամության խորհրդարանական խմբերի ձեւավորումը եւ համագործակցությունը միջխորհրդարանական միջազգային կառույցներում: Հայաստանի Հանրապետության Նախագահը Խորվաթիայի խորհրդարանի նախագահին ծանոթացրել է հայ-թուրքական հարաբերությունների կարգավորմանն ուղղված իր նախաձեռնության վերջին զարգացումների եւ Լեռնային Ղարաբաղի հակամարտության կարգավորման բանակցային գործընթացի ներկա փուլի մասին:
Սեպտեմբերի 8-ի երեկոյան Նախագահ Սերժ Սարգսյանի գլխավորած պատվիրակությունը վերադարձել է Երեւան:
ՀՀ Նախագահի գլխավորած պատվիրակության կազմում են ՀՀ արտգործնախարար Էդվարդ Նալբանդյանը, էկոնոմիկայի նախարար Ներսես Երիցյանը, Հայաստանի արդյունաբերողների եւ գործարարների (գործատուների) միության նախագահ Արսեն Ղազարյանը, Առեւտրաարդյունաբերական պալատի նախագահ Մարտին Սարգսյանը, պաշտոնատար այլ անձինք, գործարարներ:
Դիմավորման պաշտոնական արարողությունից հետո, որը տեղի է ունեցել Վելիկի Բրիյուն կղզում` տեղի Սպիտակ շքատանը, կայացել է Հայաստանի եւ Խորվաթիայի նախագահներ Սերժ Սարգսյանի եւ Ստյեպան Մեսիչի առանձնազրույցը: Երկու երկրների նախագահները բարձր են գնահատել Հայաստանի եւ Խորվաթիայի միջեւ քաղաքական երկխոսության ներկա մակարդակը: Առանձնազրույցի ընթացքում կողմերը քննարկել են երկու երկրների միջեւ փոխգործակցությանը, միջազգային օրակարգին վերաբերող, փոխադարձ հետաքրքրություն ներկայացնող այլ հարցեր:
Շնորհակալություն հայտնելով Ստյեպան Մեսիչին` ջերմ ընդունելության համար, ՀՀ Նախագահը նշել է, որ Խորվաթիայի Նախագահի` Հայաստան կատարած պաշտոնական այցի ընթացքում ձեռք բերված պայմանավորվածություններն իրականացման ընթացքի մեջ են: Փոխգործակցության խորացմանը նպասատում է այն հանգամանքը, որ երկու երկրների միջեւ չկա որեւէ բաց հարց, իսկ ժողովուրդների անցած պատմական ուղին շատ նման է: Կողմերը շեշտել են, որ երկուստեք առկա է քաղաքական կամք` ամենատարբեր ոլորտներում փոխգործակցությունն առաջ մղելու համար: Նախագահ Սարգսյանը դրական է գնահատել այն հանգամանքը, որ իր գլխավորած պատվիրակության կազմում կան մեծ թվով գործարարներ, եւ վաղը կայանալիք գործարար համաժողովում կողմերը հնարավորություն կունենան քննարկելու տնտեսության տարբեր ոլորտներում համագործակցությանը վերաբերող կոնկրետ նախագծեր, նախաձեռնություններ:
Նախագահները քննարկել են մասնավորապես զբոսաշրջության բնագավառում համագործակցության զարգացման հեռանկարները` նշելով, որ այդ ուղղությամբ բավարար ռեսուրսներ կան: Պայմանավորվածություն է ձեռք բերվել, որ Հայաստանի մարզերից մեկը փոխգործակցություն սկսի Խորվաթիայի զբոսաշրջային առաջատար շրջաններից մեկի հետ, միաժամանակ հայ ուսանողները հնարավորություն կունենան այս բնագավառում մասնագիտանալու խորվաթական բուհերում: Կողմերը քննարկել են նաեւ գյուղատնտեսության ոլորտում համատեղ ծրագրերի իրականացման հեռանկարները:
Խորվաթիայի Նախագահը համոզմունք է հայտնել, որ Հայաստանի եւ Խորվաթիայի միջեւ համագործակցության խորացումն իր նպաստը կբերի բալկանյան եւ հարավկովկասյան տարածաշրջանների միջեւ կապերի ընդլայնմանը: Ընդգծելով, որ սա իր առաջին այցն է բալկանյան տարածաշրջան, Նախագահ Սարգսյանը նշել է, որ Հայաստանն ու Խորվաթիան ունեն նույն արժեհամակարգը, եւ անհրաժեշտ է օգտագործել այն մեծ ներուժը, որ առկա է երկկողմ հարաբերությունների զարգացման համար, ինչին մեծապես նպաստում են երկու երկրների նախագահների փոխադարձ այցերն այս տարվա ընթացքում:
Խորվաթիայի Նախագահ Ստյեպան Մեսիչը ներկայացրել է անկախացումից հետո իր երկրի անցած ճանապարհը, Խորվաթիայի արտաքին քաղաքականության ներկա օրակարգը, տեղեկություն է տրամադրել Եվրամիության անդամակցության գործընթացի վերաբերյալ: Հանդիպման ժամանակ նշվել է, որ վաղը երկու երկրների արտաքին գործերի նախարարությունների միջեւ ստորագրվելու է եվրոպական ինտեգրացիայի ուղղությամբ քաղաքական խորհրդատվություններին վերաբերող արձանագրություն, որը կարեւոր է տվյալ ուղղությամբ համագործակցությունը կայուն հիմքերի վրա դնելու համար: Ս. Սարգսյանը կարեւորել է երկու երկրների համագործակցությունը` ԵՄ տարբեր ձեւաչափերում ու նախաձեռնությունների շրջանակներում: Կողմերը պայմանավորվել են նաեւ միջազգային կառույցներում համաձայնեցված համագործակցության վերաբերյալ:
ՀՀ նախագահը Խորվաթիայի գործընկերոջը ներկայացրել է նաեւ հայ-թուրքական քաղաքական երկխոսության վերջին զարգացումների եւ հարաբերությունների կարգավորման Հայաստանի տեսլականի մասին, տեղեկություններ է հաղորդվել Լեռնային Ղարաբաղի հակամարտության բանակցային գործընթացի վերաբերյալ: Խորվաթիայի նախագահը ողջունել է Թուրքիայի հետ հարաբերությունները կարգավորելու ՀՀ նախագահի նախաձեռնությունը եւ վստահություն հայտնել, որ հայ-թուրքական հարաբերությունների կարգավորումն իր հերթին կբերի տարծաշրջանում խաղաղության եւ անվտանգության ամրապնդմանը: Երկու երկրների համագործակցությունը ինստիտուցիոնալ հիմքերի վրա դնելու համար Հայաստանի եւ Խորվաթիայի նախագահները կարեւորել են միջկառավարական հանձնաժողովի ստեղծումը, որը մշտական հիմունքներով կզբաղվի ձեռք բերված բոլոր պայմանավորվածությունների իրականացմամբ եւ համագործակցության նոր ոլորտների խթանմամբ:
Առանձնազրույցից հետո երկկողմ բանակցությունները շարունակվել են ընդլայնված կազմով:
Օրվա երկրորդ կեսին ՀՀ Նախագահը մասնակցել է Խորվաթիայի նախագահի կողմից իր պատվին տված պաշտոնական ճաշին, այցելել Վելիկի Բրիյուն կղզում բացված հայտնի քաղաքական գործիչ Տիտոյին նվիրված ցուցահանդես:
Երկօրյա պաշտոնական այցով Զագրեբում գտնվող ՀՀ նախագահ Սերժ Սարգսյանն այսօր առավոտյան Խորվաթիայի Հանրապետության նախագահ Ստյեպան Մեսիչի հետ մասնակցել եւ ելույթ է ունեցել հայ-խորվաթական առաջին գործարար համաժողովում, որի անցկացման պայմանավորվածությունը ձեռք էր բերվել Խորվաթիայի Նախագահի` Հայաստան կատարած պաշտոնական այցի ընթացքում: Համաժողովին մասնակցել են տնտեսության տարբեր ոլորտներ ներկայացնող հայ եւ խորվաթ շուրջ հարյուր գործարար: Այցի շրջանակում Հայաստանի առեւտրաարդյունաբերական եւ Խորվաթիայի տնտեսական պալատների միջեւ ստորագրվել է համագործակցության հուշագիր:
Նախագահ Սարգսյանն այցելել է Զագրեբի աստղադիտարան, ծանոթացել Երեւանի Ֆիզիկայի ինստիտուտի օժանդակությամբ ստեղծված տիեզերական ուսումնասիրությունների ՙՍեւան՚ անունը կրող նորագույն սարքավորմանը, ծանոթացել խորվաթ ու հայ աստղաֆիզիկոսների կողմից իրականացվող համատեղ ծրագրերին: Հայաստանի Հանրապետության Նախագահն այցելել է նաեւ Զագրեբ քաղաքի պատմության թանգարան, ծանոթացել Խորվաթիայի մայրաքաղաքի պատմությանն ու ցուցադրվող վավերագրերին: Նախագահ Սերժ Սարգսյանը այցելել է նաեւ խոշոր քաղաքական-պետական գործիչ Տիտոյի` Վելիկի Բրիյուն կղզում գտնվող տուն-թանգարանի վերածված ամառային նստավայր, որտեղ ծանոթացել է Տիտոյի քաղաքական-պետական կենսագրությանը վերաբերող ցուցանմուշներին ու վավերագրերին: Խորվաթիայի Նախագահ Ստյեպան Մեսիչի ողեկցությամբ Սերժ Սարգսյանն այցելել է նաեւ Տիտոյի կողմից տասնամյակներ առաջ կառուցված գինետուն:
Զագրեբում Հայաստանի Հանրապետության Նախագահ Սերժ Սարգսյանն այսօր հանդիպում է ունեցել նաեւ Խորվաթիայի Հանրապետության խորհրդարանի նախագահ Լուկա Բեբիչի հետ: Զրուցակիցները մեկ անգամ եւս ամրագրել են երկուստեք առկա քաղաքական կամքը տարբեր ուղղություններով, երկկողմ ու բազմակողմ մակարդակներում հայ-խորվաթական փոխգործակցությունը առաջ մղելու համար: Սերժ Սարգսյանն ու Լուկա Բաբիչը կարեւորել են երկու երկրների խորհրդարաններում բարեկամության խորհրդարանական խմբերի ձեւավորումը եւ համագործակցությունը միջխորհրդարանական միջազգային կառույցներում: Հայաստանի Հանրապետության Նախագահը Խորվաթիայի խորհրդարանի նախագահին ծանոթացրել է հայ-թուրքական հարաբերությունների կարգավորմանն ուղղված իր նախաձեռնության վերջին զարգացումների եւ Լեռնային Ղարաբաղի հակամարտության կարգավորման բանակցային գործընթացի ներկա փուլի մասին:
Սեպտեմբերի 8-ի երեկոյան Նախագահ Սերժ Սարգսյանի գլխավորած պատվիրակությունը վերադարձել է Երեւան: