Նախագահ Սերժ Սարգսյանն աշխատանքային այցով եղել է Գյումրիում

Նախագահ Սերժ Սարգսյանն այսօր աշխատանքային այցով եղել է Գյումրիում: Հանրապետության ղեկավարն այցելել է քաղաքի “Մուշ-2” թաղամաս, մասնակցել` նորակառույց այդ թաղամասում 22 բնակելի շենքերի շահագործման հանձնման արարողությանը, շնորհավորել` բնակարան ստացած ընտանիքներին: Հանրապետության ղեկավարին ներկայացվել է “Մուշ-2” թաղամասի շինարարական աշխատանքների ընթացքը: Այս փուլում “Մուշ-2” թաղամասում կառուցվելու է 32 բնակելի շենք` 1756 բնակարան: Նախագահը շրջայց է կատարել թաղամասի շինհրապարակում, ծանոթացել նաեւ նախորդ այցի ընթացքում տրված հանձնարարականների կատարման ընթացքին: