Լրատվություն
Ներհանրապետական այցեր
15
02, 2010
Նախագահ Սարգսյանի մասնակցությամբ կայացել է Հայաստանի ԱԳՆ դիվանագիտական դպրոցի բացման արարողությունը
Նախագահ Սերժ Սարգսյանի մասնակցությամբ այսօր կայացել է Հայաստանի ԱԳՆ դիվանագիտական դպրոցի բացման պաշտոնական արարողությունը:
Նախագահը շրջել է դպրոցի նոր վերանորոգված եւ կահավորված մասնաշենքում, ծանոթացել ստեղծված պայմաններին, զրուցել դպրոցի առաջին 25 ուսանողների հետ, ովքեր ընտրվել են եռափուլ մրցույթի արդյունքում:
Դպրոցում կկազմակերպվեն դասախոսություններ արտերկրի հեղինակավոր կրթօջախների, քաղաքագիտական կենտրոնների առաջատար դասախոսների եւ վերլուծաբանների, նշանավոր դիվանագետների եւ քաղաքական գործիչների մասնակցությամբ: Դասընթացները մեծ առաջադիմությամբ ավարտած ունկնդիրները դիվանագիտական ծառայության կանցնեն ՀՀ ԱԳՆ համակարգում:
Նախատեսվում է, որ Հայաստանի դիվանագիտական դպրոցը, բարձրակարգ մասնագետների պատրաստման կրթօջախ լինելուց բացի, կլինի նաեւ արդի խնդիրների շուրջ Հայաստանի բարձրաստիճան քաղաքական գործիչների ու արտերկրի հայտնի փորձագետների հետ քննարկումների հարթակ:
Դիվանագիտական դպրոցի կայացմանը ֆինանսական եւ խորհրդատվական աջակցություն են ցուցաբերել ԵՄ-ն, ԵԱՀԿ-ի եւ ՄԱԿ-ի երեւանյան գրասենյակները:
Նախագահը շրջել է դպրոցի նոր վերանորոգված եւ կահավորված մասնաշենքում, ծանոթացել ստեղծված պայմաններին, զրուցել դպրոցի առաջին 25 ուսանողների հետ, ովքեր ընտրվել են եռափուլ մրցույթի արդյունքում:
Դպրոցում կկազմակերպվեն դասախոսություններ արտերկրի հեղինակավոր կրթօջախների, քաղաքագիտական կենտրոնների առաջատար դասախոսների եւ վերլուծաբանների, նշանավոր դիվանագետների եւ քաղաքական գործիչների մասնակցությամբ: Դասընթացները մեծ առաջադիմությամբ ավարտած ունկնդիրները դիվանագիտական ծառայության կանցնեն ՀՀ ԱԳՆ համակարգում:
Նախատեսվում է, որ Հայաստանի դիվանագիտական դպրոցը, բարձրակարգ մասնագետների պատրաստման կրթօջախ լինելուց բացի, կլինի նաեւ արդի խնդիրների շուրջ Հայաստանի բարձրաստիճան քաղաքական գործիչների ու արտերկրի հայտնի փորձագետների հետ քննարկումների հարթակ:
Դիվանագիտական դպրոցի կայացմանը ֆինանսական եւ խորհրդատվական աջակցություն են ցուցաբերել ԵՄ-ն, ԵԱՀԿ-ի եւ ՄԱԿ-ի երեւանյան գրասենյակները: