Հանրապետության նախագահը շնորհավորական ուղերձ է հղել Շվեդիայի թագավորին

Հանրապետության նախագահ Վահագն Խաչատուրյանը շնորհավորական ուղերձ է հղել Շվեդիայի թագավոր Կարլ Գուստավ Տասնվեցերորդին
Շվեդիայի Ազգային տոնի կապակցությամբ։

«Հայաստանը մեծապես կարևորում է Շվեդիայի հետ ժողովրդավարական ընդհանուր արժեքների, փոխադարձ հարգանքի և վստահության վրա խարսխված բարեկամական հարաբերությունները։

Վստահ եմ, որ մեր երկրների միջև առկա արդյունավետ համագործակցությունը հետագայում ևս կխորանա և կընդլայնվի՝ ի շահ մեր ժողովուրդների։

Մաղթում եմ Ձերդ մեծությանը և արքայական ընտանիքին քաջառողջություն և ամենայն բարիք, իսկ Շվեդիայի բարեկամ ժողովրդին՝ խաղաղություն և բարօրություն»,- մասնավորապես ասվում է ուղերձում: