Նախագահ Վահագն Խաչատուրյանը շնորհավորական ուղերձ է հղել Թուրքմենստանի նախագահ Սերդար Բերդիմուհամեդովին

Հանրապետության նախագահ Վահագն Խաչատուրյանը շնորհավորական ուղերձ է հղել Թուրքմենստանի նախագահ Սերդար Բերդիմուհամեդովին ազգային տոնի՝ Անկախության օրվա կապակցությամբ։

«Հայաստանը կարևորում է Թուրքմենստանի հետ դարավոր բարեկամության, ընդհանուր արժեքների և փոխադարձ վստահության վրա հիմնված հարաբերությունների շարունակական զարգացումն ու ընդլայնումը։

Համոզված եմ, որ համատեղ ջանքերով կնպաստենք մեր երկրների միջև բազմակողմ համագործակցության ամրապնդմանն ու խորացմանը՝ ի շահ մեր ժողովուրդների»,- մասնավորապես ասվում է ուղերձում: