Նախագահ Վահագն Խաչատուրյանը շնորհավորական ուղերձ է հղել Հունաստանի նախագահ Կոնստանտինոս Տասուլասին

Հանրապետության նախագահ Վահագն Խաչատուրյանը շնորհավորական ուղերձ է հղել Հունաստանի Հանրապետության նախագահ Կոնստանտինոս Տասուլասին ազգային տոնի՝ Անկախության օրվա կապակցությամբ:

«Վստահ եմ, որ Հայաստանի և Հունաստանի միջև դարավոր բարեկամության և ընդհանուր արժեքների վրա խարսխված հարաբերությունները կշարունակեն խորանալ և ամրապնդվել՝ ի շահ մեր ժողովուրդների:

Հավատացած եմ, որ բազմոլորտ համագործակցությունը հետագայում առավել կընդլայնվի՝ նպաստելով մեր երկրների բարգավաճմանն ու առաջընթացին։

Բարձր ենք գնահատում Հայաստանի համար կարևորագույն հարցերում Հունաստանի ցուցաբերած աջակցությունը և լիահույս ենք, որ բարձր մակարդակի շփումները շարունակական կլինեն»,- մասնավորապես ասվում է ուղերձում: