Նախագահ Վահագն Խաչատուրյանը շնորհավորական ուղերձ է հղել Ճապոնիայի կայսր Նարուհիտոյին

Հանրապետության նախագահ Վահագն Խաչատուրյանը շնորհավորական ուղերձ է հղել Ճապոնիայի կայսր Նարուհիտոյին ազգային տոնի՝ Կայսեր ծննդյան օրվա կապակցությամբ:

«Ջերմորեն շնորհավորում եմ Ձեզ և Ճապոնիայի բարեկամ ժողովրդին Ճապոնիայի ազգային տոնի՝ Նորին Մեծություն Կայսեր ծննդյան օրվա կապակցությամբ:

Դիվանագիտական հարաբերությունների հաստատումից ի վեր Հայաստանի և Ճապոնիայի միջև հարաբերությունները նշանավորվել են փոխադարձ հարգանքի և վստահության վրա հիմնված սերտ համագործակցությամբ:

Լիահույս եմ, որ համատեղ ջանքերի շնորհիվ այսուհետ ևս կընդլայնենք և կխորացնենք երկկողմ գործակցությունը տարբեր ոլորտներում՝ ի շահ մեր ժողովուրդների:

Մաղթում եմ Ձեզ քաջառողջություն և հաջողություն, իսկ Ճապոնիայի բարեկամ ժողովրդին՝ խաղաղություն և բարօրություն»,- ասվում է ուղերձում: