Նախագահ Վահագն Խաչատուրյանը շնորհավորական ուղերձ է հղել Ֆինլանդիայի նախագահ Ալեքսանդր Ստուբին

Հանրապետության նախագահ Վահագն Խաչատուրյանը շնորհավորական ուղերձ է հղել Ֆինլանդիայի Հանրապետության նախագահ Ալեքսանդր Ստուբին Անկախության օրվա կապակցությամբ։

«Հայաստանը կարևորում է Ֆինլանդիայի հետ փոխադարձ վստահության և հարգանքի վրա խարսխված հարաբերությունները և պատրաստակամ է ընդլայնելու հայ-ֆիննական օրակարգն ինչպես երկկողմ, այնպես էլ բազմակողմ հարթակներում` ի շահ մեր ժողովուրդների։

Լիահույս եմ, որ համատեղ ջանքերով կամրապնդենք քաղաքական բարձր մակարդակի երկխոսությունը՝ նպաստելով նաև տնտեսական, մշակութային և գիտական արդյունավետ համագործակցության զարգացմանը», - մասնավորապես ասվում է ուղերձում: