Հանրապետության նախագահ Վահագն Խաչատուրյանը շնորհավորական ուղերձ է հղել Բելգիացիների թագավոր Ֆիլիպին

Հանրապետության նախագահ Վահագն Խաչատուրյանը շնորհավորական ուղերձ է հղել Բելգիացիների թագավոր Ֆիլիպին Ազգային տոնի կապակցությամբ:

«Հայաստանը և Բելգիան ունեն արդյունավետ համագործակցության հարուստ պատմություն՝ խարսխված ժողովրդավարական արժեքների, մարդու իրավունքների և հիմնարար ազատությունների հանդեպ հարգանքի վրա։

Մեր երկրների միջև առկա է բարձր մակարդակի քաղաքական երկխոսու­թյուն, որի վկայությունը Հայաստանում Բելգիայի դեսպանության հիմնումն է, ինչպես նաև երկկողմ և բազմակողմ հարթակներում փոխգործակցության ընդլայնումը և մեր ժողովուրդների բարեկամական կապերի շարունակական ամրապնդումը»,- մասնավորապես ասվում է նախագահ Խաչատուրյանի ուղերձում: