Նախագահ Վահագն Խաչատուրյանը շնորհավորական ուղերձ է հղել Կատարի փոխէմիր Շեյխ Աբդուլլահ Բին Համադ Ալ Թանիին

Հանրապետության նախագահ Վահագն Խաչատուրյանը շնորհավորական ուղերձ է հղել Կատարի փոխէմիր Շեյխ Աբդուլլահ Բին Համադ Ալ Թանիին Կատարի Ազգային տոնի կապակցությամբ:

Ուղերձում ասվում է.

«Կարևորում եմ Հայաստանի և Կատարի միջև հարաբերությունների հետագա զարգացումը և պատրաստ եմ հնարավորինս նպաստել երկկողմ օրակարգի ընդլայնմանն ու բազմոլորտ համագործակցության խորացմանը՝ ի շահ մեր ժողովուրդների։

Մաղթում եմ Ձեզ քաջառողջություն և ամենայն բարիք, իսկ Կատարի բարեկամ ժողովրդին՝ խաղաղություն և բարօրություն»: