Շնորհավորական
Նախագահ Վահագն Խաչատուրյանը շնորհավորել է Ռումինիայի նախագահ Կլաուս Վերներ Յոհաննիսին
Հանրապետության նախագահ Վահագն Խաչատուրյանը շնորհավորական ուղերձ է հղել Ռումինիայի նախագահ Կլաուս Վերներ Յոհաննիսին՝ Ռումինիայի Միավորման օրվա կապակցությամբ:
Ուղերձում ասվում է.
«Հայաստանը մեծապես կարևորում է Ռումինիայի հետ բարեկամական կապերի հետևողական զարգացումն ու խորացումը՝ հիմնված քաղաքակրթության, ժողովրդավարական արժեքների, ընդհանուր շահերի և ժողովուրդների միջև պատմականորեն ձևավորված փոխադարձ համակրանքի վրա:
Հաշվի առնելով Ռումինիայի աճող դերակատարությունը տարածաշրջանում՝ լիահույս ենք, որ հայ ժողովրդի համար կենսական նշանակություն ունեցող այս ժամանակաշրջանում ևս Ռումինիան իր փորձով և հավասարակշռված մոտեցումներով ներդրում կունենա տարածաշրջանային խաղաղության և կայունության վերականգնման ու ամրապնդման գործում։
Մաղթում եմ Ձեզ քաջառողջություն և հաջողություն, իսկ Ռումինիայի բարեկամ ժողովրդին` խաղաղություն և բարօրություն»։