Լրատվություն
Շնորհավորական
10
06, 2022
Նախագահ Վահագն Խաչատուրյանը շնորհավորական ուղերձ է հղել Պորտուգալիայի նախագահին
Հանրապետության նախագահ Վահագն Խաչատուրյանը շնորհավորական ուղերձ է հղել Պորտուգալիայի Հանրապետության նախագահ Մարսելու Ռեբելու Դե Սոուզային՝ երկրի Ազգային տոնի առթիվ:
Նախագահ Խաչատուրյանի ուղերձում մասնավորապես ասվում է. «Հայաստանը կարևորում է բարեկամ Պորտուգալիայի հետ համագործակցության զարգացումն ինչպես երկկողմ, այնպես էլ բազմակողմ ձևաչափերում:
Հայ-պորտուգալական առկա կայուն գործընկերային կապերը մշտապես աչքի են ընկել փոխադարձ վստահությամբ և դրանք խորացնելու անկեղծ ցանկությամբ:
Լիահույս եմ, որ մեր երկրների միջև դիվանագիտական հարաբերությունների հաստատման 30-ամյակը կնշանավորվի տարբեր ոլորտներում գործակցության ընդլայնմամբ և ամրապնդմամբ՝ ի շահ մեր ժողովուրդների»։