Նախագահ Վահագն Խաչատուրյանը շնորհավորական ուղերձ է հղել Խորվաթիայի նախագահ Զորան Միլանովիչին

Հանրապետության նախագահ Վահագն Խաչատուրյանը շնորհավորական ուղերձ  է հղել Խորվաթիայի Հանրապետության նախագահ Զորան Միլանովիչին երկրի ազգային տոնի՝ Պետականության օրվա առթիվ:

Նախագահ Խաչատուրյանի ուղերձում մասնավորապես ասվում է. «Հայաստանը կարևորում է Խորվաթիայի հետ փոխշահավետ համագործակցու­թյան զարգացումն ու խորացումը և պատրաստակամ է երկկողմ հարաբերությունների օրակարգը հարստացնել ապագային միտված ծրագրերով ու նախաձեռնություննե­րով։

Լիահույս եմ, որ համատեղ ջանքերով մեզ կհաջողվի երկկողմ միջպետական հարաբերություններում արձանագրել նոր ձեռքբերումներ՝ ի շահ մեր պետությունների և ժողովուրդների»: