Նախագահ Սերժ Սարգսյանը շնորհավորական հեռագիր է հղել Վրաստանի նախագահ Միխեիլ Սաակաշվիլիին

Նախագահ Սերժ Սարգսյանն այսօր շնորհավորական հեռագիր է հղել Վրաստանի նախագահ Միխեիլ Սաակաշվիլիին՝ ծննդյան 45-րդ տարեդարձի առթիվ:

«Մեր երկրների միջև ավանդական անկեղծ և բարեկամական երկխոսությունը, փոխշահավետ գործընկերությունն ու բազմաոլորտ համագործակցությունը բխում են մեր ժողովուրդների՝ հազարամյակներով թրծված բարիդրացիական հարաբերություններից: Լիահույս եմ, որ մեր իշխանությունների ջանքերով դրանք կընդլայնվեն և կխորանան՝ ի փառս Հայաստանի և Վրաստանի հզորացման ու պայծառ ապագայի:

Մեծարգո պարոն Նախագահ, ևս մեկ անգամ սրտանց շնորհավորում եմ Ձեզ և Ձեր ընտանիքին, մաղթում քաջառողջություն, բարօրություն և հետագա հաջողություններ»,-ասված է Նախագահ Սերժ Սարգսյանի շնորհավորական խոսքում: