Լրատվություն
Շնորհավորական
20
12, 2011
Նախագահ Սերժ Սարգսյանի շնորհավորական ուղերձը ՀՀ ազգային անվտանգության մարմինների աշխատողի օրվա առթիվ
Ազգային անվտանգության մարմինների հարգելի՛ աշխատողներ,
Ջերմորեն շնորհավորում եմ ձեզ Ազգային անվտանգության մարմինների աշխատողի օրվա կապակցությամբ:
Անցնող տարին նշանավորվեց Հայաստանի Հանրապետության անկախության 20-ամյա հոբելյանով: Մեր պետության կայացման գործում անուրանալի է ազգային անվտանգության մարմինների դերը: Պետականության վերականգնումից ի վեր դուք ձեր ջանքերը ներդրեցիք ինչպես հայրենիքի պաշտպանության, այնպես էլ նրա ներքին ու արտաքին անվտանգության ապահովման բարդ և պատասխանատու գործում:
Մեր հասարակության և պետության հուսալի ապագայի ապահովման հարցում ազգային անվտանգության մարմինների գործունեության նշանակությունը բացառիկ է նաև արդի ժամանակներում:
Պատերազմի վերսկսման մասին հարևան հանրապետության ղեկավարության չդադարող հոխորտանքներն այսօր զգալիորեն ստվերել են տարածաշրջանում կայուն խաղաղության ապահովման հեռանկարը: Ստեղծված իրավիճակում դուք պետք է շարունակեք հաղթահարել բոլոր դժվարությունները և պատվով լուծել հետախուզության, հակահետախուզության, սահմանադրական կարգի, պետական սահմանի պահպանության, ահաբեկչության դեմ պայքարի խնդիրները՝ համարժեքորեն արձագանքելով առկա մարտահրավերներին:
Կրկին շնորհավորելով ձեզ մասնագիտական տոնի առթիվ՝ մաղթում եմ քաջառողջություն, նորանոր աշխատանքային ձեռքբերումներ` ի նպաստ մեր ժողովրդի ու պետության անվտանգության:
Ջերմորեն շնորհավորում եմ ձեզ Ազգային անվտանգության մարմինների աշխատողի օրվա կապակցությամբ:
Անցնող տարին նշանավորվեց Հայաստանի Հանրապետության անկախության 20-ամյա հոբելյանով: Մեր պետության կայացման գործում անուրանալի է ազգային անվտանգության մարմինների դերը: Պետականության վերականգնումից ի վեր դուք ձեր ջանքերը ներդրեցիք ինչպես հայրենիքի պաշտպանության, այնպես էլ նրա ներքին ու արտաքին անվտանգության ապահովման բարդ և պատասխանատու գործում:
Մեր հասարակության և պետության հուսալի ապագայի ապահովման հարցում ազգային անվտանգության մարմինների գործունեության նշանակությունը բացառիկ է նաև արդի ժամանակներում:
Պատերազմի վերսկսման մասին հարևան հանրապետության ղեկավարության չդադարող հոխորտանքներն այսօր զգալիորեն ստվերել են տարածաշրջանում կայուն խաղաղության ապահովման հեռանկարը: Ստեղծված իրավիճակում դուք պետք է շարունակեք հաղթահարել բոլոր դժվարությունները և պատվով լուծել հետախուզության, հակահետախուզության, սահմանադրական կարգի, պետական սահմանի պահպանության, ահաբեկչության դեմ պայքարի խնդիրները՝ համարժեքորեն արձագանքելով առկա մարտահրավերներին:
Կրկին շնորհավորելով ձեզ մասնագիտական տոնի առթիվ՝ մաղթում եմ քաջառողջություն, նորանոր աշխատանքային ձեռքբերումներ` ի նպաստ մեր ժողովրդի ու պետության անվտանգության: