24
08, 2010

Նախագահ Սարգսյանը շնորհավորական ուղերձ է հղել Ուկրաինայի ազգային տոնի կապակցությամբ

Նախագահ Սերժ Սարգսյանն այսօր շնորհավորական ուղերձ է հղել Ուկրաինայի Նախագահ Վիկտոր Յանուկովիչին Ուկրաինայի ազգային տոնի` Անկախության օրվա կապակցությամբ:

Ուղերձում ասված է.

“Հարգելի Վիկտոր Ֆյոդորի,

Ուկրաինայի ազգային տոնի` Անկախության օրվա կապակցությամբ, ընդունեք իմ անկեղծ շնորհավորանքներն ու բարեմաղթանքները:

Վստահ եմ, որ Ձեր ղեկավարությամբ իրականացվող` պետականաշինության, տնտեսության եւ սոցիալական ոլորտների վերակազմավորման, միջազգային ասպարեզում երկրի դիրքերի հետագա ամրապնդման ուղեգիծը ծառայում է ուկրաինացի ժողովրդի երկարաժամկետ շահերին, Ուկրաինայի առաջընթաց եւ դինամիկ զարգացմանը:

Ցանկանում եմ գոհունակությամբ նշել, որ այսօր մեր ժողովուրդների միջեւ բարեկամական ամուր կապերի վրա հիմված հայ-ուկրաինական հարաբերություններում նկատվում է դրական տեղաշարժ, որն ունակ է ապահովել միջպետական կապերի հետագա խորացումը` հիմնված փոխադարձ աջակցության եւ հետաքրքրությունների վրա:

Վստահ եմ, որ մեր միջեւ ձեւավորված վստահելի երկխոսությունն ու փոխըմբռնումը կնպաստեն երկկողմ համագործակցության հետագա ամրապնդմանը, տնտեսական գործընկերության զարգացմանը, մեր երկրների միջեւ հումանիտար եւ միջմարզային կապերի ընդլայնմանը:

Հարգելի Վիկտոր Ֆյոդորի,

Ցանկանում եմ Ձեզ քաջառողջություն եւ հաջողություններ, Ուկրաինայի բարեկամ ժողովրդին` խաղաղություն եւ բարգավաճում”:

← Վերադառնալ