Նախագահ Սերժ Սարգսյանը ցավակցական հեռագիր է հղել ԱՄՆ նախագահ Բարաք Օբամային

Նախագահ Սերժ Սարգսյանը ցավակցական հեռագիր է հղել Ամերիկայի Միացյալ Նահանգների նախագահ Բարաք Օբամային՝ Տեխաս նահանգի պարարտանյութերի գործարանում տեղի ունեցած ուժգին պայթյունի կապակցությամբ, որը բազմաթիվ զոհերի և ավերածությունների պատճառ է դարձել:

Հանրապետության նախագահը, Միացյալ Նահանգների համար այս տագնապալի օրերին, խորին ցավակցություն և զորակցություն է հայտնել Նախագահ Բարաք Օբամային և զոհվածների ընտանիքներին՝ մաղթելով համբերություն, տոկունություն, իսկ  վիրավորներին` շուտափույթ ապաքինում: