Նախագահ Սարգսյանը ցավակցական հեռագիր է հղել ԱՄՆ նախագահ Բարաք Օբամային

Նախագահ Սերժ Սարգսյանը ցավակցական հեռագիր է հղել ԱՄՆ նախագահ Բարաք Օբամային` Արիզոնայում տեղի ունեցած զինված հարձակման զոհ դարձած բազմաթիվ անմեղ մարդկանց և վիրավորների կապակցությամբ:

Հանրապետության ղեկավարը հայ ժողովրդի և անձամբ իր անունից ցավակցություն է հայտնել Նախագահ Օբամային, զոհվածների հարազատներին և ԱՄՆ-ի ժողովրդին: