Լրատվություն
Ցավակցական
05
03, 2009
Նախագահ Սերժ Սարգսյանը ցավակցական ուղերձ է հղել Չանչուրյանների ընտանիքին
Հայաստանի ժողովրդական արտիստ, Հայաստանի պարի պետական անսամբլի երկարամյա գեղարվեստական ղեկավար Սուրեն Չանչուրյանի մահվան կապակցությամբ Նախագահ Սերժ Սարգսյանը ցավակցական ուղերձ է հղել Չանչուրյանների ընտանիքին:
Ուղերձում ասված է.
"Ցավով ստացա Հայաստանի ժողովրդական արտիստ, Հայաստանի պարի պետական անսամբլի երկարամյա գեղարվեստական ղեկավար Սուրեն Չանչուրյանի մահվան լուրը:
Սուրեն Չանչուրյանը մեր մշակույթի երախտավորներից է, որ նշանակալի ներդրում ունի հայ պարարվեստի զարգացման գործում: Նրա արվեստը բարձր է գնահատվել թե մասնագետների, թե հանդիսականների շրջանում, եւ նա արժանիորեն վայելել է մեծ ժողովրդականություն:
Սուրեն Չանչուրյանն իր գործընկերների հետ տասնամյակներ շարունակ աշխարհի ամենատարբեր բեմերում հիացմունքի ու երախտագիտության ծափերի է արժանացել: Ծափեր, որոնք ուղղված են եղել հայ արվեստին ու ժողովրդին:
Խորին ցավակցություն եմ հայտնում Սուրեն Չանչուրյանի ընտանիքին, հարազատներին ու գործընկերներին, ինչպես նաեւ նրա բարձր արվեստի երկրպագուներին":
Ուղերձում ասված է.
"Ցավով ստացա Հայաստանի ժողովրդական արտիստ, Հայաստանի պարի պետական անսամբլի երկարամյա գեղարվեստական ղեկավար Սուրեն Չանչուրյանի մահվան լուրը:
Սուրեն Չանչուրյանը մեր մշակույթի երախտավորներից է, որ նշանակալի ներդրում ունի հայ պարարվեստի զարգացման գործում: Նրա արվեստը բարձր է գնահատվել թե մասնագետների, թե հանդիսականների շրջանում, եւ նա արժանիորեն վայելել է մեծ ժողովրդականություն:
Սուրեն Չանչուրյանն իր գործընկերների հետ տասնամյակներ շարունակ աշխարհի ամենատարբեր բեմերում հիացմունքի ու երախտագիտության ծափերի է արժանացել: Ծափեր, որոնք ուղղված են եղել հայ արվեստին ու ժողովրդին:
Խորին ցավակցություն եմ հայտնում Սուրեն Չանչուրյանի ընտանիքին, հարազատներին ու գործընկերներին, ինչպես նաեւ նրա բարձր արվեստի երկրպագուներին":