ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻՆ ԱՌԸՆԹԵՐ «ՀԱՅԱՍՏԱՆԻ ԻՐԱՎԱԶՈՐՈՒԹՅՈՒՆ» ԾՐԱԳՐԻ ԽՈՐՀՈՒՐԴ ՍՏԵՂԾԵԼՈՒ ՄԱՍԻՆ

Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 6-րդ կետով` ո ր ո շ ու մ ե մ.

1. Ստեղծել Հայաստանի Հանրապետության Նախագահին առընթեր «Հայաստանի իրավազորություն» ծրագրի խորհուրդ:

2. Հաստատել Հայաստանի Հանրապետության Նախագահին առընթեր «Հայաստանի իրավազորություն» ծրագրի խորհրդի անհատական կազմը` համաձայն 1-ին հավելվածի:

3. Հաստատել Հայաստանի Հանրապետության Նախագահին առընթեր «Հայաստանի իրավազորություն» ծրագրի խորհրդի գործունեության կարգը` համաձայն 2-րդ հավելվածի:

4. Հայաստանի Հանրապետության Նախագահին առընթեր «Հայաստանի իրավազորություն» ծրագրի խորհրդին`

1) մինչև 2016 թվականի նոյեմբերի 30-ը մշակել և սահմանված կարգով Հայաստանի Հանրապետության կառավարության քննարկմանը և հաստատմանը ներկայացնել «Հայաստանի իրավազորություն» ծրագրի հիմնադրույթները.

2) մշակել և սահմանված կարգով Հայաստանի Հանրապետության կառավարության քննարկմանը և հաստատմանը ներկայացնել «Հայաստանի իրավազորություն» ծրագիրը.

3) եռամսյա պարբերականությամբ Հայաստանի Հանրապետության Նախագահին ներկայացնել հաղորդում «Հայաստանի իրավազորություն» ծրագրի կատարման ընթացքի վերաբերյալ:

5. Հայաստանի Հանրապետության կառավարությանը՝ ապահովել սույն հրամանագրից բխող որոշումների ընդունումը:

ՀԱՅԱՍՏԱՆԻ
ՀԱՆՐԱՊԵՏՈՒԹՅԱՆ ՆԱԽԱԳԱՀ

Ս.ՍԱՐԳՍՅԱՆ

2016թ. նոյեմբերի 26
Երևան
ՆՀ-1158 -Ա