Լրատվություն
Շնորհավորական
09
09, 2023
Նախագահ Վահագն Խաչատուրյանը շնորհավորել է Տաջիկստանի նախագահ Էմոմալի Ռահմոնին
Հանրապետության նախագահ Վահագն Խաչատուրյանը շնորհավորական ուղերձ է հղել Տաջիկստանի Հանրապետության նախագահ Էմոմալի Ռահմոնին՝ Տաջիկստանի ազգային տոնի՝ Անկախության օրվա կապակցությամբ:
Ուղերձում մասնավորապես ասվում է.
«Հայաստանն ու Տաջիկստանը վաղուց ի վեր փոխկապակցված են բարեկամության և փոխադարձ հարգանքի հարաբերություններով, որոնք ամուր հիմք են երկկողմ համագործակցության ամրապնդման համար։
Համոզված եմ, որ փոխգործակցության հետագա խորացումը կնպաստի Հայաստանի և Տաջիկստանի միջև համագործակցության ընդլայնմանը՝ ինչպես երկկողմ, այնպես էլ միջազգային հարթակներում»։