Լրատվություն
Մամուլի հաղորդագրություններ
30
06, 2011
Ծննդյան օրվա առթիվ Նախագահ Սերժ Սարգսյանին շնորհավորել է ՌԴ Նախագահ Դմիտրի Մեդվեդևը
Նախագահ Սերժ Սարգսյանին ծննդյան օրվա առթիվ այսօր հեռախոսազրույցի ընթացքում շնորհավորել և բարեմաղթանքներ է հղել ՌԴ նախագահ Դմիտրի Մեդվեդևը: Ռուսաստանի Դաշնության նախագահը նաև շնորհավորական ուղերձ է հղել Հայաստանի Հանրապետության Նախագահին, որում, մասնավորապես, ասված է.
«Ձեր ղեկավարությամբ Հայաստանը վստահորեն շարժվում է պետականաշինության, սոցիալ-տնտեսական բարեփոխումների, միջազգային ասպարեզում դիրքերի ամրապնդման ուղով: Հանրապետության կայուն և աստիճանական զարգացումը, իրապես, Ձեզ հեղինակավոր քաղաքական գործչի համբավի է արժանացրել:
Մեծ հարգանք է ներշնչում Ձեր անձնական նշանակալի ներդրումը հայ-ռուսական դաշնակցային հարաբերությունների զարգացման գործում: Գնահատում եմ մեր կանոնավոր և արդյունավետ շփումների ընթացքում ձևավորված մթնոլորտը, որը նպաստում է երկկողմ և տարածաշրջանային օրակարգի հարցերի լայն շրջանակի կառուցողական քննարկմանը:
Համոզված եմ, որ բազմապլան միջպետական կապերի խորացման, տնտեսական համագործակցության զարգացման ուղղությամբ երկկողմ տրամադրվածությունը, տարածաշրջանային միավորումների շրջանակում սերտ կոորդինացիան՝ հայ-ռուսական ռազմավարական գործընկերության հետագա ամրապնդման և Անդրկովկասում կայունության ու խաղաղության պահպանման կարևորագույն գործոն է»:
«Ձեր ղեկավարությամբ Հայաստանը վստահորեն շարժվում է պետականաշինության, սոցիալ-տնտեսական բարեփոխումների, միջազգային ասպարեզում դիրքերի ամրապնդման ուղով: Հանրապետության կայուն և աստիճանական զարգացումը, իրապես, Ձեզ հեղինակավոր քաղաքական գործչի համբավի է արժանացրել:
Մեծ հարգանք է ներշնչում Ձեր անձնական նշանակալի ներդրումը հայ-ռուսական դաշնակցային հարաբերությունների զարգացման գործում: Գնահատում եմ մեր կանոնավոր և արդյունավետ շփումների ընթացքում ձևավորված մթնոլորտը, որը նպաստում է երկկողմ և տարածաշրջանային օրակարգի հարցերի լայն շրջանակի կառուցողական քննարկմանը:
Համոզված եմ, որ բազմապլան միջպետական կապերի խորացման, տնտեսական համագործակցության զարգացման ուղղությամբ երկկողմ տրամադրվածությունը, տարածաշրջանային միավորումների շրջանակում սերտ կոորդինացիան՝ հայ-ռուսական ռազմավարական գործընկերության հետագա ամրապնդման և Անդրկովկասում կայունության ու խաղաղության պահպանման կարևորագույն գործոն է»: