Լրատվություն
Մամուլի հաղորդագրություններ
29
06, 2010
Նախագահ Սերժ Սարգսյանն աշխատանքային այցով մեկնել է Արմավիրի մարզ
Նախագահը մասնակցել է Արմավիրի հիմնանորոգված բժշկական կենտրոնի հիմնական մասնաշենքի բացման արարողությանը, ծանոթացել առողջապահական այդ հաստատության շենքային եւ լաբորատոր պայմաններին: Կենտրոնի արդիականացումն իրականացվել է ՀՀ կառավարության եւ Համաշխարհային բանկի համագործակցության արդյունքում` Համաշխարհային բանկի “Հայաստանի առողջապահական համակարգի արդիականացում ” վարկային ծրագրի շրջանակում եւ թելադրված է ՀՀ առողջապահական համակարգի օպտիմալացման ռազմավարությամբ, որի նպատակը բժշկական հիմնարկների գործունեության արդյունավետության եւ որակի բարձրացումն է:
Հանրապետության ղեկավարն այցելել է նաեւ Արմավիր քաղաքի վերանորոգված մանկապատանեկան շախմատի դպրոց: Նա շրջել է դպրոցում, դիտել` այնտեղ անցկացվող շախմատի մրցաշարը:
Այնուհետեւ, Նախագահ Սերժ Սարգսյանն Արմավիրի մարզպետարանում մարզի սոցիալ-տնտեսական հիմնախնդիրները քննարկել է մարզպետ Աշոտ Ղահրամանյանի հետ:
Աշխատանքային այցի շրջանակներում, Նախագահը եղել է նաեւ Արմավիրի մարզի Մյասնիկյան համայնքում, որտեղ մասնակցել է “Հիսուսի մանուկներ” առողջության կենտրոնի բացման արարողությանը: Նորակառույցն օրհնել է Ն.Ս.Օ.Տ. Տ. Գարեգին Բ Ամենայն Հայոց Կաթողիկոսը: Կենտրոնի շենքի հիմնանորոգումն իրականացվել է “Փակումեան ընտանիք” բարեգործական հիմնադրամի եւ մի շարք բարերարների աջակցությամբ: Շրջայցի ժամանակ հիմնադրամի հիմնադիր եւ խորհրդի ատենապետ Կարո Արմենն ու բարերար Ջորջ Փակումեանը ՀՀ Նախագահին ներկայացրել են համայնքի միջնակարգ դպրոցի վերանորոգման եւ “Հայաստանի մանուկներ” հիմնադրամի` առողջապահության, կրթության, ենթակառուցվածքների բարելավման ոլորտներն ընդգրկող եւ տնտեսական զարգացմանն ու սոցիալական խնդիրների լուծմանը միտված մյուս ծրագրերը:
“Շատ ուրախ եմ, որ այստեղ` այս համայնքում, գործունեություն է ծավալել հայրենասերների մի խումբ, որոնց նպատակը միայն ու միայն բարություն անելն ու իրենց հայրենակիցների հոգսերը թեթեւացնելն է: Ես պարոն Կարո Արմենին ճանաչում եմ գրեթե վեց տարի, եւ այդ տարիների ընթացքում այս մարդու եռանդը չի նվազել, ընդհակառակը` համախոհներ է ձեռք բերել եւ նոր բարի գործեր է կատարել”, - ասել է Սերժ Սարգսյանը` Կարո Արմենին հանձնելով Հայաստանի Հանրապետության քաղաքացու անձնագիր: Հանրապետության ղեկավարի խոսքով, աշխարհում սփռված բոլոր հայերը պետք է վստահ լինեն, որ Հայաստանում նրանց համար միշտ տեղ կա թե' ապրելու ու գործելու, թե' բարեգործություն անելու համար:
“Հայաստանի մանուկներ” հիմնադրամի ատենապետ Կարո Արմենն իր համար մեծ պատիվ է համարել Հայաստանի Հանրապետության քաղաքացի լինելն ու նշել, որ առանձնահատուկ հպարտություն է` անձնագիրն ստանալ անձամբ Հայաստանի Հանրապետության Նախագահից: Կարո Արմենի հավաստմամբ, սփյուռքահայերի համար ամենամեծ հպարտությունն առաջին հերթին իրենց ազգային պատկանելիությունն է:
Ակնառու հայրենանվեր գործունեություն ծավալելու, բարեգործական մի շարք ծրագրեր իրականացնելու եւ այդ բնագավառում ներդրած նշանակալի ավանդի համար, մեկ այլ բարերար` Ջորջ Փակումեանը, “Հիսուսի մանուկներ” առողջության կենտրոնի բացման արարողության ժամանակ, պարգեւատրվել է ՀՀ վարչապետի հուշամեդալով:
Հանրապետության ղեկավարն այցելել է նաեւ Արմավիր քաղաքի վերանորոգված մանկապատանեկան շախմատի դպրոց: Նա շրջել է դպրոցում, դիտել` այնտեղ անցկացվող շախմատի մրցաշարը:
Այնուհետեւ, Նախագահ Սերժ Սարգսյանն Արմավիրի մարզպետարանում մարզի սոցիալ-տնտեսական հիմնախնդիրները քննարկել է մարզպետ Աշոտ Ղահրամանյանի հետ:
Աշխատանքային այցի շրջանակներում, Նախագահը եղել է նաեւ Արմավիրի մարզի Մյասնիկյան համայնքում, որտեղ մասնակցել է “Հիսուսի մանուկներ” առողջության կենտրոնի բացման արարողությանը: Նորակառույցն օրհնել է Ն.Ս.Օ.Տ. Տ. Գարեգին Բ Ամենայն Հայոց Կաթողիկոսը: Կենտրոնի շենքի հիմնանորոգումն իրականացվել է “Փակումեան ընտանիք” բարեգործական հիմնադրամի եւ մի շարք բարերարների աջակցությամբ: Շրջայցի ժամանակ հիմնադրամի հիմնադիր եւ խորհրդի ատենապետ Կարո Արմենն ու բարերար Ջորջ Փակումեանը ՀՀ Նախագահին ներկայացրել են համայնքի միջնակարգ դպրոցի վերանորոգման եւ “Հայաստանի մանուկներ” հիմնադրամի` առողջապահության, կրթության, ենթակառուցվածքների բարելավման ոլորտներն ընդգրկող եւ տնտեսական զարգացմանն ու սոցիալական խնդիրների լուծմանը միտված մյուս ծրագրերը:
“Շատ ուրախ եմ, որ այստեղ` այս համայնքում, գործունեություն է ծավալել հայրենասերների մի խումբ, որոնց նպատակը միայն ու միայն բարություն անելն ու իրենց հայրենակիցների հոգսերը թեթեւացնելն է: Ես պարոն Կարո Արմենին ճանաչում եմ գրեթե վեց տարի, եւ այդ տարիների ընթացքում այս մարդու եռանդը չի նվազել, ընդհակառակը` համախոհներ է ձեռք բերել եւ նոր բարի գործեր է կատարել”, - ասել է Սերժ Սարգսյանը` Կարո Արմենին հանձնելով Հայաստանի Հանրապետության քաղաքացու անձնագիր: Հանրապետության ղեկավարի խոսքով, աշխարհում սփռված բոլոր հայերը պետք է վստահ լինեն, որ Հայաստանում նրանց համար միշտ տեղ կա թե' ապրելու ու գործելու, թե' բարեգործություն անելու համար:
“Հայաստանի մանուկներ” հիմնադրամի ատենապետ Կարո Արմենն իր համար մեծ պատիվ է համարել Հայաստանի Հանրապետության քաղաքացի լինելն ու նշել, որ առանձնահատուկ հպարտություն է` անձնագիրն ստանալ անձամբ Հայաստանի Հանրապետության Նախագահից: Կարո Արմենի հավաստմամբ, սփյուռքահայերի համար ամենամեծ հպարտությունն առաջին հերթին իրենց ազգային պատկանելիությունն է:
Ակնառու հայրենանվեր գործունեություն ծավալելու, բարեգործական մի շարք ծրագրեր իրականացնելու եւ այդ բնագավառում ներդրած նշանակալի ավանդի համար, մեկ այլ բարերար` Ջորջ Փակումեանը, “Հիսուսի մանուկներ” առողջության կենտրոնի բացման արարողության ժամանակ, պարգեւատրվել է ՀՀ վարչապետի հուշամեդալով: