Լրատվություն
Մամուլի հաղորդագրություններ
31
12, 2009
ՀՀ Նախագահ, Զինված ուժերի Գերագույն գլխավոր հրամանատար Սերժ Սարգսյանն այցելել է պաշտպանական դիրքեր
Ամանորի եւ Սուրբ Ծննդյան տոների կապակցությամբ Հայաստանի Հանրապետության Նախագահ, Հայաստանի Զինված ուժերի Գերագույն գլխավոր հրամանատար Սերժ Սարգսյանն այսօր ավանդական այցով եղել է մեր երկրի պաշտպանական դիրքերում:
Նախագահ Սերժ Սարգսյանը նախ այցելել է սահմանամերձ Այգեհովիտ գյուղ, զրուցել այգեհովիտցիների հետ, շնորհավորել նրանց գալիք տոների կապակցությամբ, հետաքրքրվել սահմանամերձ բնակավայրերի խնդիրներով: Սերժ Սարգսյանը մեկ անգամ եւս ընդգծել է, որ սահմանամերձ բնակավայրերն ու նրա բնակիչները մեր երկրի սահմանների բնական պաշտպաններն են եւ շարունակելու են մնալ պետության առանձնակի ուշադրության կենտրոնում:
Զինված ուժերի Գերագույն գլխավոր հրամանատար Սերժ Սարգսյանն այնուհետեւ այցելել է պաշտպանական դիրքեր, պաշտպանական հենակետերում հետեւել մարտական հերթապահության կազմակերպմանը, զրուցել զինծառայողների հետ, ծանոթացել նրանց սոցիալ-կենցաղային պայմաններին: Ծառայության ընթացքում իրենց պարտաճանաչությամբ, խիզախությամբ եւ անձնվիրությամբ աչքի ընկած մեկ տասնյակ զինվորների Սերժ Սարգսյանը պարգեւատրել է ժամացույցներով:
Հայաստանի Հանրապետության Նախագահը շնորհավորել եւ բարեմաղթանքներ է հղել մեր բանակի բոլոր զինծառայողներին` Ամանորի եւ Սուրբ Ծննդյան տոների կապակցությամբ, շնորհակալություն հայտնել նրանց անձնվեր ծառայության համար: Զինված ուժերի Գերագույն գլխավոր հրամանատարը բաժակ է բարձրացրել մեր Զինված ուժերի համար:
Պաշտպանական դիրքեր այցելության ընթացքում Նախագահ Սերժ Սարգսյանին ուղեկցել են Պաշտպանության նախարար Սեյրան Օհանյանը, Արարատյան հայրապետական թեմի փոխանորդ Նավասարդ արքեպիսկոպոս Կճոյանը, գրող, հրապարակախոս Զորի Բալայանը:
Նախագահ Սերժ Սարգսյանը նախ այցելել է սահմանամերձ Այգեհովիտ գյուղ, զրուցել այգեհովիտցիների հետ, շնորհավորել նրանց գալիք տոների կապակցությամբ, հետաքրքրվել սահմանամերձ բնակավայրերի խնդիրներով: Սերժ Սարգսյանը մեկ անգամ եւս ընդգծել է, որ սահմանամերձ բնակավայրերն ու նրա բնակիչները մեր երկրի սահմանների բնական պաշտպաններն են եւ շարունակելու են մնալ պետության առանձնակի ուշադրության կենտրոնում:
Զինված ուժերի Գերագույն գլխավոր հրամանատար Սերժ Սարգսյանն այնուհետեւ այցելել է պաշտպանական դիրքեր, պաշտպանական հենակետերում հետեւել մարտական հերթապահության կազմակերպմանը, զրուցել զինծառայողների հետ, ծանոթացել նրանց սոցիալ-կենցաղային պայմաններին: Ծառայության ընթացքում իրենց պարտաճանաչությամբ, խիզախությամբ եւ անձնվիրությամբ աչքի ընկած մեկ տասնյակ զինվորների Սերժ Սարգսյանը պարգեւատրել է ժամացույցներով:
Հայաստանի Հանրապետության Նախագահը շնորհավորել եւ բարեմաղթանքներ է հղել մեր բանակի բոլոր զինծառայողներին` Ամանորի եւ Սուրբ Ծննդյան տոների կապակցությամբ, շնորհակալություն հայտնել նրանց անձնվեր ծառայության համար: Զինված ուժերի Գերագույն գլխավոր հրամանատարը բաժակ է բարձրացրել մեր Զինված ուժերի համար:
Պաշտպանական դիրքեր այցելության ընթացքում Նախագահ Սերժ Սարգսյանին ուղեկցել են Պաշտպանության նախարար Սեյրան Օհանյանը, Արարատյան հայրապետական թեմի փոխանորդ Նավասարդ արքեպիսկոպոս Կճոյանը, գրող, հրապարակախոս Զորի Բալայանը: